Aqyn, ulaǵatty ustaz Shámshabaný QAMZAQYZY 1940 jyly Sháýeshek qalasynyń Aqsý aýylynda dúnıege kelgen. 1955 jyly Shınjıań ınıstıtýty ádebıet mamandyǵyna oqýǵa túsip, 1959 jyly Úrimji ónerkásip – qatynas tehnıkýmynda oqytýshylyq saparyn bastaıdy. Bir mezgil Shınjıań jastar órender baspasynda qyzmet istegen ol 1970 jyldan 1978 jylǵa deıin boratala obylysy Jyń aýdany Dahıanzy aýyly orta mektebinde til–ádebıet muǵalymy bolady. 1978 jyldan 1984 jylǵa deıin Úrimji qalalyq 14 orta mektepte muǵalym, 1984 jyldan bastap Shınjıań oqý aǵartý ınıstıtýtynda ádebıet muǵalymy bolyp, 1998 jyly dotsent ataǵymen zeınetke shyǵady.
1956 jyly «Taý bulaǵy» atty óleńimen ádebıet alabyna aıaq basqan ol sonan beri kóptegen jyr jınaqtary men prozalyq shyǵarmalyn jınaq etip jarıalady. Keıbir tanymdyq eńbekteri halqarlyq syılyq enshilegen. Shamshabaný memlekettik jazýshylar odaǵynyń múshesi, memlekettik qalamgerler qoǵamynyń turaqty jorasy, Shınjıań qalamgerler qoǵamy tóraǵasynyń orynbasary, Úrimji qalalyq saıası máslıhat keńesi 5-6 kezekti quryltaıynyń eki kezek múshesi bolǵan. Esimi elimizdegi kóptegen tomdarǵa engizilgen.
Kóktem keldi
Tabystyń basy kóktem de keldi,
Qulpyrar dala kilemdeı túspen,
Tasyǵan shabyt keýdemdi kerdi,
Tamasha meniń jerimde ósken.
Arnaǵa sımaı álkúreń tasqyn,
Quzdardan qulap, belderdi asqan.
Kók júzin sharlap, tamyljyp jaqsy ún,
Kúlimdep kóktem qushaǵyn ashqan.
Aǵyzdyq sýdy, toǵandy jóndep,
Dıhan dos júrgen óńirge qara.
Jabdyǵyńdy alyp Eńbekke kel dep,
Kúledi atyz býsanyp qana.
Poezde
Ot arba-meniń kóligim,
Oıqastatyp basa ber.
Meıiri ystyq otanym,
Qushaǵyńdy asha ber.
Terezeden syrt jaqqa,
Qarap kelem qyzyǵyp.
Sándi qala, sary dala,
Qalyp jatyr tizilip.
Keń baıtaq óńir kerilip,
Kórinedi kósilip.
Kógendeýli kóp vagon,
Keledi eldi kóshirip.
Júrgen saıyn aptyǵyp,
Soǵady júrek ekpinmen.
Soǵýyn júrek otanǵa,
Mahabbaty dep bilgem.
Qyzyǵyńdy otanym,
Tamashalap kelemin.
Ańsaǵan arman lebizi,
Qaǵady kóńil elegin.
Júıtkıdi póıez kúrkirep,
Taýlardyń sesin tyńdamaı.
Aýzynan aq bý shashady,
Kómirdi qylǵyp týramaı.
Júrgen saıyn aryndy,
Tynar emes solǵyndap.
Aqbas taý Boǵda artymda,
Qala berdi qol bulǵap.
Qalyp jatyr qaz – qatar,
Tarlan belder talpıǵan.
Qula túzde keshegi,
Sharyqtap búgin shalqıdy án.
Jatqan jer bar áli de,
Qula qumy esilip.
Qum qushaqtap qutyra,
Soǵady jeli esirip.
Jol jaǵalaı dıhandar,
Júrse eginin ósirip.
Jarasar edi kórikti,
Kók orman jatsa kósilip.
6alash usyndy
