Serik Qapshyqbaev 1935 jyly Toly aýdany Barlyq taýy baýraıynda ómirge kelgen. 1953 jyldan bastap qolyna qalam alǵan ol «Ómir oılary», «Erikti sóz», «Jyldar arasynda», «Jylqy ishinde ala júr», «Kún shyǵys» qatarly óleń dastandar jınaǵyn, «Zardap» atty áńgime pıessalar jınaǵyn, «Joq» atty romanyn baspadan shyǵardy. Ol Jýńgo jazýshylar qoǵamynyń folkolorshylar qoǵamynyń múshesi, Jýńgo az ult jazýshylar ǵylymı qoǵamynyń múshesi, memlekettik, raıondyq syılyqtardyń ıegeri. Jýńgo qazaq ádebıetiniń poezıa janyrynda tamasha jańalyq ashqan álýetti qalamger. Serik Qapshyqbaev 2018 jyly qańtarda ómirden ozdy.
Aı
Keshtim túnde pishendikti,
Sýyqsyrap sanymnan men.
Kók pishenniń nili juqty,
Sybdyrlatqan qaǵyp tizem.
Uıyqtap sáýle qushaǵynda,
Aq tumanǵa taý oranyp.
Qalyń juldyz uqsap qumǵa,
Shemirshekteı turdy aǵaryp.
Kerip qujyr bult arasyn,
Jol túspegen shyń sekildi.
Ótip taǵy jarqyldaısyń,
Jas úmitke jandaı muńly.
Ekeý bolyp júrsek kórim,
Qasyńa eptep shyqsam men de.
Baqytym bar biraq meniń,
Sorym da bar jer betinde.
Tıanshan
Qara kózim talyqty,
Tilim-tilim jalyńa,
Sóıletkim keldi tarıhty
Ózińizdeı shalyma.
Sókpe balań suraǵysh,
Sóıletip tarıh qashanǵy.
Tartqan pátes shylaýysh,
Ózińizdeı apamdy.
Jerdiń kúmis kiltisiń,
Ashqan kóktiń qulybyn,
Juldyz ben aıdyń buryshyn,
Jamylǵan tóbe, ıyǵyń.
Sebebi kelgen joǵalmaı,
Ústińde salǵan uıasy.
Tarym menen jońǵardaı,
Alyptyń jaǵyrapıasy.
Ánsheıin bir tyıanshan,
Taý emessiń áýkeli.
Keremetke umtylǵan
Jetpesede dáýleti.
Keshke jaqyn tur shalyp,
Jarty álemdi kóleńkeń.
Quzdaryńdy aınalyp,
Kún shyǵady táńerteń.
Kún aparyp qasyna,
Erite almaı muzyńdy.
Appaq aıaz basyńa,
Sonyń kóńili buzyldy.
Qandaı bolsa uly aspan,
Sondaı seniń ٴtosyń de.
Aýmaıdy syrtyń Jýastan,
Aıbaryń bar-aý ishińde.
Bolsa da boıym qysqaltań,
Qol sozatyn adammyn.
Seni ǵana uqsatam
Oıyna úlken zamannyń.
Ústinde tý jelbirep,
Granıtty jotanyń,
Bir kól jatty móldirep,
Kózindeı kúńgirt botanyń.
Kórdim simire tartýyn,
Bes myń jylqy sýattan.
Taýdyń mesheý aq nýyn,
Malshylar qoly qulatqan.
6alash usyndy
