Qanat Erejepuly
Qytaı tele ónerpazdar qoǵamynyń jorasy, Qytaı dıktor-júrgizýshiler qoǵamynyń jorasy, Shınjıań uıǵur avtonomıaly raıony tele ónerpazdar qoǵamy tóraǵasynyń orynbasary, Shınjıań uıǵur avtonomıaly dıktor-júrgizýshiler qoǵamynyń turaqty orynbasar, memlekettik úzdik aqparat qyzmetkeri, memlekettik 3 – kezekti 100 tańdaýly tele ónerpazynyń ıegeri Qanat Erejepuly 1958 jyly Býyrshyn aýdanynda dúnıege kelgen. Aǵa dıktor, júrgizýshi, televızıa bastyǵynyń orynbasary. Shınjıań ýnıversıtetiniń 1978 jylǵy túlegi.
1978-1985 jylǵa deıin Shınjıań halyq radıo stansıasynda dıktor, 1985 jyly Shınjıań televızıasynda qazaq tilindegi arnany ashýǵa at salysyp, dıktorlar grýppasynyń bastyǵy, kórkem fılm aýdaryp jasaý ortalyǵy bastyǵynyń orynbasary jáne rejıser; 1993 jyly Shınjıań symdy televızıasynda qazaq tilindegi arnany ashýdy ústine alady ári stansıa bastyǵynyń orynbasary mindetin 2000 jylǵa deıin ótep, sodan 2017 jylǵa deıin Shınjıań televızıasy bastyǵynyń orynbasary jáne aǵa dıktorlyq mindetin atqaryp demalysqa shyqty.
Qoǵamdyq qyzmetteri
1985 jyly Shınjıań televızıasynda qazaq arnasynyń ýyǵyn shanshýdan bastap, 1993 jyly Shınjıań symdy televızıasy qazaq tilindegi keregesin jaıyp, shańyraǵyn kótergenge deıin qazaq tilindegi tele arnalary úshin eren eńbekter sińirdi. Júıeden Shınjıań symdy televızıasynda qazaq arnasyn 7 adammen qurýdan bastap, fılm qaınaryn molaıtý úshin óz ortamyzdaǵy azamattarymyzdy uıymdastyryp, aýdarma fılm qaınaryn molaıtý, sondaı-aq Qazaqstan televızıasymen fılm aýys-kúıis ornatý jáne olardyń ónerpazdaryn usynys etip, konserttik baǵdarlama alý jumystaryna bel sheshe aralasty. Sondaı-aq jas televızıa qosynyn somdaý úshin jastardy tárbıeleý jolynda jalyqpaı qulshynys jasap keledi. Sonymen qazirgi qazaq tele arnalary basqarlardyń aldynda uıalmaıtyn órege jetti.
Negizgi týyndylary jaıly
Ol óziniń kúndelikti kásiptik jáne ákimshilik jumystarynan tys, tele fılm «Jýsandy dala» (1991 jyly túsirilgen, senarıst), «Marǵabyldyń qara qasqa aty» (1995 jyly túsirilgen, rejıser); tól týyndysy «Tonnan týǵan oı» memlekettik úzdik týyndy, úzdik júrgizýshi syıylyqtaryn enshilegen; «Fonetıkanyń dıktórlyq qyzmettegi qoldanylymy» qatarly desartasıalaryi; «Indıa ertegileri», «Áıel qyzmetshi» qatarly aýdarma eńbekteri jáne «Ekinshi ákem» atty áńgimesi jaryq kórgen. Radıodaǵy kezinde «Búgelek», «Bóke batyr», «Zýqa batyr», «Qasym batyr», «Pethovın» qatarly birqansha roman jáne radıo teatrlaryna dybys bergen jáne oqyǵan. Televızıada «Kapıtan grantty izdeý», «Gertsen jaý júrekteri» qatarly fılmderge dybys bergen jáne rejıserlik istegen. Al, Qytaı qazaqtarynyń tuńǵysh tele dıktory bolý salaýatymen, ol oqyǵan habarlar, júrgizgen konserttik jáne qoǵamdyq baǵdarlamalar, ásirese, onyń nashyna túsirip oqyǵan «Haıýanattar dúnıesi» óz aldyna bir tóbe. Sondyqtan da kórermender ony: qazaqtyń Jaý Juńsháńy (CCTV dyń áıgili dıktory) desetin.
6alash usynady
