Sáken Seıfýllınniń «Tar jol, taıǵaq keshý» romanynyń keıipkeri Qabıba Saǵynaevanyń jádigerleri.
Qabıba Saǵynaevanyń dombyrasy.
Dombyra aǵashtan 60-shy jyldary arnaıy zavodta jasalǵan. Dombyranyń bet jaǵy sary, astynǵy jaǵy qońyr tústi boıaý lakpen boıalǵan. Dombyra úsh bólikten turady: 1 – shanaq, 2 – moıyn, 3 – qulaq. Shanaqtyń túbi – doǵal úńgir, al beti – jazyq tegis. Orta tusynda dıametri 2sm bolyp keletin dóńgelek tesik oıylǵan. Osy oıyqtyń eki jaǵynda qolmen oıylǵan oıý orny bar. Dombyranyń eki ishegi onyń shynaǵynyń túbindegi túımege bekitilip, eki ushy moıyndaǵy pernelerdi boılaı qulaq buraýlaryna jalǵanǵan. Dombyrada 18 perne, qulaq buraýy bekitilgen negizgi tıek jáne shanaqqa qoıylatyn almaly – salmaly oıýlanǵan aǵash tıegi bar. 2001 jyly Qabıbanyń kelini tapsyrǵan.
Aǵash, lak, zavodta jasalǵan.
Uzyndyǵy – 99 sm.
Bet jaǵynan boıaýy azdap óshirilgen.
Qabıba Saǵynaevnyń kúmis saqınasy.
Sáken Seıfýllınniń «Tar jol, taıǵaq keshý» romanynyń keıipkeri Qabıba Saǵynaevanyń kúmis saqınasy. Saqına aq metaldan (kúmisten) soǵylǵan. Beti tik tórtburysh pishindi. Eki sheti qus qanaty tárizdi oıylǵan. Ortasynda kishkene sheńber, onyń syrty romb, rombtyń tórt qabyrǵasynyń syrty tusynda tórt sheńber oıylǵan. Negizgi betiniń búıiri usaq ırek syzyqtarmen oıylǵan. Saqına qoldan soǵylǵan zergerlik buıymǵa jatady.
Aq metal
Dıametri – 2 sm, beti – 1 sm, 3 mm
Betindegi oıýlar azdap óshirilgen.
6alash usynady
