2021 jyly 15 qazanda «Otandastar qory» komersıalyq emes aksıonerlik qoǵamy janyndaǵy Qoǵamdyq komısıanyń kezekti otyrysy ótti.
İs-sharaǵa QR Parlamenti Senatynyń depýtaty, komısıa tóraǵasy Murat Baqtıaruly, Qazaqstannyń eńbek sińirgen qaıratkeri Qarjaýbaı Sartqoja,QR Parlamenti Senatynyń depýtaty, Nurtóre Júsip, QR Májilisiniń depýtaty Qazybek Isa, belgili qoǵam qaıratkerleri, memlekettik organdardyń ókilderi jáne t.b. qatysty.
Atalǵan is-shara kún tártibinde «Qandastardyń UBT tapsyrý mehanızmin ońtaılandyrý nemese UBT-dan basqa da álternatıvti joldardy usyný», «Qazaqstandaǵy repatrıanttardyń qos azamattyǵy máselesi týraly»,«Sheteldegi qazaq mádenı ortalyqtaryn qoldaý máseleleri: álemdik ozyq úlgi jáne qazaqstandyq tájirıbe», «Soltústik Qazaqstan oblysynda qandastardy ornalastyrýdyń ózekti máseleleri», «Azamattyq alǵan qandastardyń shet eldegi eńbek ótilderin esepke alý» (zeınetaqy máselesi), jáne t.b. máseleler kóterildi.
Qoǵamdyq komısıa otyrysynyń qorytyndysy boıynsha Bilim jáne ǵylym mınıstrligineqandastardyń Qazaqstandaǵy oqý oryndaryna túsýin, Syrtqy ister mınıstrligine Qazaqstandaǵy repatrıanttardyń qos azamattyq máselesin sheshý joldaryn qarastyrý, sheteldegi qazaq mádenı ortalyqtaryn qoldaýdy kúsheıtý jáne Eńbek jáne halyqty áleýmettik qorǵaý mınıstrligimen birlesip azamattyq alǵan qandastardyń shet eldegi eńbek ótilderin esepke alý, Aqparat jáne qoǵamdyq damý mınıstrligineSoltústik Qazaqstan oblysynda qandastardy ornalastyrýdyń aýqymdy jumystaryn jan-jaqty jáne tolyq aqparattandyrý boıynsha qoldaýdy kúsheıtý jóninde usynystar berildi.
Sondaı-aq, Eńbek jáne halyqty áleýmettik qorǵaý mınıstrligine qandastardy beıimdeý jáne yqpaldastyrý ortalyqtary boıynsha turyp jatqan qandastardyń turý merzimin uzartý, shetten kelgen qandastarymyzdy turaqty tirkeý,azamattyq alǵan qandastardyń azamattyq almaǵan otbasy múshelerimen birge turý máseleleri boıynsha tıisti quqyqtyq aktilerge ózgerister men tolyqtyrýlar engizý jónindegi usynystar joldandy.
Qandastardy beıimdeý jáne yqpaldastyrý ortalyqtaryn barlyq óńirlerde ashý máselesin ózektendirý - QR Úkimeti janyndaǵy Sheteldegi otandastarmen mádenı-gýmanıtarlyq baılanysty damytý jónindegi vedomstvoaralyq komısıa otyrysynyń qaraýyna jiberiledi.
6alash usynady
