Naýryzdyń 20-sy kúni Facebook jelisindegi «SARAJOL» paraqshasynda Mońǵolıanyń Baıan-Ólgeı aımaǵynan túlep ushyp, álemniń úzdik memleketterinde bilim alǵan, búgingi tańda AQSH-tyń Kalıfornıa shtatyndaǵy belgili kompanıalarda qyzmet atqaryp júrgen Ólgeıdiń birtop daryndy túlekterimen «Jastar – eldiń erteńi» NAÝRYZ 2021 atty Live /onlaın/ kezdesý uıymdastyryldy.
Bul kezdesý shet memleketterde bilim alyp, tájirıbe jınaqtap, órisin keńeıtkisi keletin talaby taýdaı jasampaz jastarǵa arnaldy. Kezdesýde:
- Durys mamandyq tańdaı bilý;
- Kásibı sheberlik;
- Ǵylym-tehnologıa;
- Ustanym & Maqsat;
- Ómirlik tájirıbe jáne t.b taqyryptarda áńgime órbitti.
Jastarmen óz bilim-tájirıbesin bólisip, oıyn ortaǵa salǵan Live kezdesýdiń basty qonaqtary:
Mataıuly JANARBEK, PhD /AQSH-tyń Kalıfornıa shtatyndaǵy «Qualcomm» kompanıasynyń Aǵa ınjeneri/;
Tanaıuly ERTAI, PhD /Kalıfornıa memlekettik ýnıvesıtetiniń doktor, profesory/;
Bathanqyzy GÚLJAÝHAR, CPA /«G&J Tax» kompanıasynyń qalaýshysy/;
Habaıuly ERJANAT /«Facebook» kompanıasynyń Strategıalyq Aǵa Analısti/;
Jeńisuly BAÝYRJAN /«Rio Tinto» kompanıasynyń Aǵa ınjeneri/;
Shegebaıuly ARǴYNBEK /«Facebook» kompanıasynyń Aǵa ınjeneri/.
Live kezdesýde qonaqtarǵa suraqtar qoıyp, pikir almasyp belsendilik tanytqan jastarǵa Baı-Ólkedegi «Technozone» kompanıasynyń atynan Smart telefon syıǵa berildi.
Óz biliminiń arqasynda shet memleketterdiń tanymal mekemelerinde jumys jasap, bilim jolynda jetistikterge qol jetkizip júrgen Baı-Ólkeniń qyz-jigitteriniń «Jastar – eldiń erteńi» NAÝRYZ 2021 Live suhbatynyń tolyq nusqasyn nazarlaryńyzǵa usynamyz!
Janarbek Mataıuly, PhD
/«Qualcomm» kompanıasynyń Aǵa ınjeneri/
Janarbek – kompúter ǵylymdarynyń doktory, San-Dıegodaǵy Kalıfornıa Ýnıversıteti(UCSD), Koreıa Joǵary Tehnologıa Instıtýty (KAIST), Mońǵol Memlekettik Ǵylym jáne Tehnologıa ýnıversıtetteriniń túlegi. Onyń avtorlyq etken kásibı kitaby álemniń úzdik ýnıversıtetterinde oqytylady. Qázirgi tańda AQSH-tyń Kalıfornıa shtatyndaǵy «Qualcomm» jasandy ıntelekti zerteý ortalyǵynda «Aǵa ınjıner» bolyp qyzmet atqaryp júrgen, óz isiniń sheberi, bilikti kóshbasshy.
Ertaı Tanaıuly, PhD
/Kalıfornıa Memlekettik Ýnıvesıtetiniń doktor, profesory/
Ertaı – 2009-2010 jyly AQSH-tyń Oregon shtatyndaǵy Portlend Memlekettik Ýnıversıtetin (PSU) bakalavr, 2010-2012 jyly magıstr dárejesimen bitirgen. AQSH-tyń Ohıo shtatyndaǵy Kent Memlekettik Ýnıversıtetinen (KSU) doktorantýrada oqyp, PhD dárejesin 2016 jyly qorǵaǵan, qazirgi tańda Kalıfornıa Memlekettik Ýnıvesıtetiniń (CSU) doktor, profesory bolyp qyzmet atqaryp júrgen daryndy kóshbasshy.
Arǵynbek Shegebaıuly
/«Facebook» kompanıasynyń Aǵa ınjeneri/
Arǵynbek – Reseıdiń Sankt-Peterbor Memlekettik Polıtehnıkalyq Ýnıversıtetinde baklavr, AQSH-tyń AIOVA shtatynyń Fairfield qalasynda magıstratýra boıynsha bilim alyp, MobiCom, Samsung Electronics, Rio Tinto qatarly birqansha iri kompanıalarda qyzmet atqarǵan bilikti maman. Qazirgi tańda AQSH-tyń Kalıfornıa shtatyndaǵy Facebook kompanıasynda «Aǵa ınjener» bolyp jumys jasaıdy.
Gúljaýhar Bathanqyzy, CPA
/«G&J Tax» kompanıasynyń qalaýshysy/
Gúljaýhar – Máskeýdiń Qarjy Ýnıversıtetinde bakalavr men magıstr akademıalyq dárejesinde bilim alyp, álemge tanymal «Deloıt» jánede «Jarus & Co LLP» kompanıalarynda tájirıbe jınaýmen qatar menedjerlik deńgeıge jetip, bıik shyńdardy baǵyndyrǵan. Ol búgingi tańda AQSH-yń Los-Anjelestegi Kalıfornıa Ýnıversıtetinde biliktiligin shyńdaýmen qatar asa joǵary sanattaǵy «Memlekettik Salyq Esepshisi /CPA/» dárejesine ıe boldy. Qazirgi kezde asa kúrdeli «Qarjy jáne Aýdıt» salasynda jeke kompanıasyn quryp, kásipkerlerge salyq zańnamasy boıynsha aqyl-keńes berýmen aınalysady.
Baýyrjan Jeńisuly
/«Rio Tinto» kompanıasynyń Aǵa ınjeneri/
Baýyrjan – Temir-ken, mys, almas, altyn jáne ýran óndiretin BHP-den keıingi álemdegi ekinshi iri metalýrgıa jáne taý-ken «Rio Tinto» korporasıasynyń Mońǵolıadaǵy «Oıýý-Tolgoı» dep atalatyn bólimshesinde «Senıor Bıznes Analıst /Senior Advisor, Business Improvement/» bolyp jumys jasaǵan. Búginde AQSH-tyń Kalıfornıa shtatyndaǵy «Rio Tinto» kompanıasynda «Data Ǵylymynyń Aǵa Injeneri /Principal Data Scientist/» bolyp qyzmet atqaryp júrgen bilimdi de bilikti maman.
Erjanat Habaıuly
/«Facebook» kompanıasynyń Strategıalyq Aǵa Analısti/
Erjanat – Túrkıa eliniń Ystambul qalasyndaǵy Bogazici Ýnıversıtetinde baklavr, AQSH-tyń Oregon shtatyndaǵy Oregon Ýnıversıtetinde magıstratýra boıynsha bilim alyp, Intel kompanıasynda «Menedjer, Marketıń Data Ǵylymy /Manager, Marketing Data Science/» bolyp jumys jasaǵan, búginde AQSH-tyń Kalıfornıa shtatyndaǵy Facebook kompanıasynda «Strategıalyq Aǵa Analıst /Senior Quantitative Strategy Analyst/» bolyp qyzmet atqaryp júrgen, óz isiniń sheberi, bilikti kóshbasshy.
«Jastar – eldiń erteńi» NAÝRYZ 2021 Live /onlaın/ suhbatynyń negizgi uıymdastyrýshysy, «SARAJOL» akademıasynyń jetekshisi – Kádirbek Saılaýuly.
Kádirbek – Túrkıanyń Ankara qalasynda «Aqparattyq tehnologıalar (IT)» baǵytyndaǵy joǵary oqý ornyn, AQSH-ta Kompúter Ǵylymdarynyń magıstrin oqyp, Mońǵolıanyń Ulanbatyr qalasynda memlekettik sertıfıkatpen ınjener daıynaıtyn «Empasoft Academy» kompanıasynyń negizin qalaǵan. Búgingi tańda AQSH-tyń Oregon shtatynyń Portlan qalasynda mamandyǵy boıynsha qyzmet atqaryp jatqan bilikti ınjener.
«SARAJOL» akademıasynyń negizgi maqsaty – aldyńǵy býyn aǵalar, izinen ergen el erteńi bolar stýdent, oqýshy jastardyń durys bilim alyp, qajetti kásipke úırenýge, kásibı mamanǵa aınalýǵa degen ynta-jigerin arttyrý jolynda keńes berip, ıgilikti is jarata otyryp sara jol nusqaý!
daıyndaǵan: Jubatgúl SAMBÝÝQYZY
6alash usynady
