«BÚGİNGİ QAZAQSTAN JÁNE OTANDYQ ÓNDİRİS» ATTY DÓŃGELEK ÚSTEL ÓTEDİ
2023 jylǵy 17 naýryz, saǵat 11.00-de QR Ulttyq kitaphanasynyń N. Dáýletova atyndaǵy zalynda ««Kelun-Kazpharm» kompanıasynyń atqarýshy dırektory Mereı Slamulynyń týǵanyna 60 jas tolýyna oraı «Búgingi Qazaqstan jáne otandyq óndiris» atty dóńgelek ústel ótedi.
Óndiris Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn (Qazaqstan Respýblıkasy Prezıdentiniń 2010 jylǵy 1 aqpandaǵy № 922 Jarlyǵy) oryndaý maqsatynda qurylǵan. Indýstrıalyq-ınnovasıalyq damytýdyń memlekettik baǵdarlamasy retinde (Qazaqstan Respýblıkasy Prezıdentiniń 2010 jylǵy 19 naýryzdaǵy № 958 Jarlyǵy) Qazaqstan Respýblıkasyna sheteldik ınvestorlardy tartý boıynsha jemisti jumystar júrgizildi. Sonymen qatar, Qazaqstan Respýblıkasyna ınvestısıa tartý, arnaıy ekonomıkalyq aımaqtardy damytý jáne eksportty yntalandyrý jónindegi 2010-2014 jyldarǵa arnalǵan baǵdarlamaǵa sáıkes «Kelýn-Kazfarm» JSHS Qazaqstan Respýblıkasyndaǵy eń iri farmasevtıkalyq zaýyt salý jobasyn qurý jáne iske asyrý arqyly quryldy. Qazaqstan Respýblıkasynda otandyq óndiriletin dárilik zattardyń úlesin arttyrý jáne osy preparattarǵa ımportqa suranysty arttyrý kózdeldi.
«Kelun-Kazpharm» farmasevtıkalyq zaýytynyń negizin qalaýshylardyń biri – belgili kásipker, mesenat Slamuly Mereı. Qazirgi ýaqytta ol osy zaýyttyń atqarýshy dırektory.
«Kelun-Kazpharm» farmasevtıkalyq zaýyty (Kelýn – Qazfarm) 2014 jyldyń shilde aıynda iske qosyldy jáne qazirgi ýaqytta Qazaqstan Respýblıkasyndaǵy farmasevtıkalyq ónimderdiń iri óndirýshisi bolyp tabylady. Óndiristik nysannyń qurylysyna 7,5 mlrd teńgeden astam (shamamen 37 500 000 eýro) ınvestısıa tartyldy, 40 000 m2 jer telimi satyp alyndy, zaýyttyń óndiristik qýattylyǵynyń jalpy aýdany 19 000 m2. Óndiris ishki naryqty otandyq dárilik zattarmen tolyq qamtamasyz etýge múmkindik beredi, ımportty almastyrý baǵytynda damyp keledi, sondaı-aq TMD elderine syrtqy satý naryqtaryna shyǵýda (Reseı, Ózbekstan, Tájikstan, Qyrǵyzstan).
«Kelun-Kazpharm» - úlken kólemdegi ıneksıalyq eritindiler shyǵaratyn zamanaýı farmasevtıkalyq kásiporyn, iri kásipkerlik sýbektisi.
Zaýyt avtomattandyrý deńgeıi joǵary farmasevtıkalyq ónimderdi shyǵaratyn zaýyttar arasynda Ortalyq Azıadaǵy eń iri zaýyt bolyp tabylady. Qazir zaýytta 350-den astam adam jumys isteıdi.
Dóńgelek ústelde Prezıdenttiń keńesshisi, Almaty oblystyq ákimshiliginen jáne «Atameken» kásipkerler palatasynan arnaıy ókilder, memlekettik mekemelerdiń basshylary, zıaly qaýym ókilderi, kásipkerlik kompanıalardyń basshylary: Otarbaev Málik Nurjanuly, Ospanova Baqytjamal Qaıyrbekqyzy, Ómiráli Qopabaev, Zaıadan Bolathan Qazyhanuly, Zıabek Qabdýldınov, Dýken Másimhanuly, Nábıjan Muqamethanuly, Baıǵalı Esenáli, Almas Ahmetbek jáne de ózgede belgili tulǵalar jáne aqparat salasynyń ókilderi bolady.
Ádilet Ahmetuly
