- Qazaqy dert-derbezdi myń adamnyń boıynan mysqaldap emes, bir adamnyń boıynan tuspaldap ta ańǵarýǵa bolady.
- Ákim – syılanǵan tulǵa, aqyn – oılanǵan tulǵa.
- Tánimizdi japyraqpen jaýyp júretin taǵy shaǵymyzda, qabat-qabat kıingen búginimizden álde qaıda arly ekenbiz dep oılaımyn.
- Mahabbat tragedıamen máńgi, al, muratyna jetken, baıashat mahabbatty máńgi degennen kóri turmys dep ataǵan jón.
- Qazaq tirshilikti «jalǵan-aı» dep jalǵyz aýyz sózge syıǵyzǵan. Al, men bolsam ómirlik jarymnyń boıynan da shynaıylyqtyń nyshanyn izdep ábigermin.
- Ózim bilmeıtinim áıteýir bizder erteńgi ómirdi qalaı ótirik bastaý úshin túnimen bas qatyryp ázirmiz.
- Aınalaıyn ana tilim deseıshi, tereńdikpen bıiktikke qalaı-qınalmaı-aq bara bilesiń? Seni solaı «soıqan» sóıletken Jumekendeı aqynǵa Juma saıyn taǵyzym etpesem kináli adamdaı kúı keshemin.
- Jumeken jumbaq emes, ózin-ózi sheship turǵan aqyn. Esesine «qoıan-bultaq» zaman jumbaq, ol kúlkiden – kúńirenis, baqyttan – sor, sordan – baqyt izdegen daryn.
- Aqyn degen bir-aq ret uıyqtaıdy.
- Ańǵal halqym meni de aqyn deıdi-aý.
- Dos bolam deseń qaıyr qylmaı-aq qoı, qaırylyp qarasań boldy.
- Esirkeý – adam tabıǵatyndaǵy eń jeksuryn nyshan.
- Shekten tys kishpeıildik – ne jasyqtyqtyń, ne aıarlyqtyń belgisi. Al «máýeli aǵash» ıilse onyń jóni bir basqa.
- Gete, Baıron, Pýshkın esimderin ekiniń biri biledi, olarǵa tabyndy, al Abaıdy qansha halyq biledi? Másele qazaq tiliniń salaýatynda, yqpalynda, bolmasa Abaı kimnen kem?
- Biz basqalardyń aldynda óz ana tilimizdi sóıleýden de arlanatyn dárejege jettik. Ult úshin, urpaq úshin osydan ótken zaýal joq.
- Senim bolmaǵan jerde sert selge ketedi.
- Eshbir adam qoly jetken nársesin qadirlep kórgen emes, esesine erteńine eminip, búginin búldiredi.
- Ultyn súımegenniń urpaǵynan úmit kútpe.
- Rýhanı úreı halqy úshin de, jalpy úshin de qaterli!
- Jutyp taýysa almadyq, jutylyp ketpesek ıgi edi.
- Qyryqqa kelgenshe qyrymnan jatqanym jetken shyǵar, endi mende el qusap shalqalaıyn.
6alash usynady
