Ǵulama aqyn Aqyt Úlimjiuly óziniń ErJánibek atty dastanynda:
Jazbadym munyń bárin qazir maqtap,
Jazǵanym tek bireýi táýir naqtap.
Ol kezde syr da júrgen kereı elin,
Kelipti Jákeń keıin Altaı bastap.
Qazaqqa qap taýyndaı qorǵan boldyń,
Jaýyńa jasyl tusar zordan boldyń.
Shaıqasta tireńdi ımeı, daýda bermeı,
Elińdi altaı bastap ordan keldiń, - dedi. Bul jyrdan kereı eliniń syr boıynan orǵa barǵanyn, odan qaıta shyǵysqa aýyp, Saryarqany basyp, altaıǵa kelgenin ańǵarý qıyn emes.
Jánibek Berdáýletuly at jalyn tartyp minip joryqqa attanǵannan keıin bir mezet syr boıynda, onan soń or, yrǵyz ózenderi ańǵarynda, edireı, arqalyq taýlarynda, nur ózeni boıyda, keıin kóksala, baqanas qatarly jerlerde júrgeni anyq, endeshe ol jerlerde Jánibektiń erlik isteri, árıne, halyq aýzynda saqtalyp kele jatqany daýsyz. Mynany aıta ketken artyq bolmaıdy dep oılaımyn.
Uly aqynymyz Abaı Qunanbaıuly týǵan jer: Jánibek batyrdyń ákesi Berdáýlettiń inisi Kirdáýlettiń balasy ógiz balýan – «Jıdebaı balýannyń» atyndaǵy jer bolsa, onyń mańyndaǵy Barlybaı-Kereıdiń Jántekeı rýynyń áıgili batyry Baraqtyń nemeresi, keıin Kereıge bı bolǵan Barlybaıdyń aty ekenin, Arhat taýy Arhat Bektasuly batyrdyń Qaýaýyl shoqysy ekenin álige deıin ańyz etedi.
Shámis Qumaruly
6alash usyndy
