On segiz jas syrym – jyr,
On segiz jas burymdym...
Bári qazir qashyqta,
Qoı shýlaıdy qyrylǵyr,
Jerme ózimdi ashyqsa.
«As bolady» alty aıda,
Janymdy jep semirip.
Shar saýlyqtar qartaıǵan,
Ǵumyrymdy kemirip.
Alty aı jazym Altaıda,
Shildesinde qar jatqan.
Alty aı qysym Qubyda,
Sekseýili zar qaqqan.
Tyqyrshysa ker besti,
Jarqyldap kúmis pstany.
Qara taýdan el kóshti.
Barar jeri qystaýy.
Joq... Túlikten túńilmen,
(babam ómir ótkizgen).
Tarıhymdy búginge,
Nar arqalap jetkizgen.
Aq sarbastyń qanynda,
Arǵymaqtyń jalynda,
Qara nardyń qomynda,
Qara taýdyń jonynda,
Kók bóriniń izinde,
Aq semserdiń júzinde,
Jatyr meniń tarıhym men taǵdyrym.
Baqytym men baılyǵym,
Qýanysh jáne qaıǵy muń...
avtory: Ádilbek JÁKEIULY
