Sonsha súıgen týǵan jerden túbi men
Sen de bir kún keterińdi bilip em...
Qoshtaspaǵan tyrnalardyń qıqýy,
Júregimdi tyrnap shyqty túnimen.
Bahadúrim, maıa minip mań basqan,
Salqyn keshke kóz qyryńdy salmastan.
Qara jer de kótermeıtin qaıǵyńdy,
Qara narǵa qalaı arttyń, aldaspan?!
Shym batyryp shyrmaýyna keregim,
Meni qoıshy, ashymaı ma ózegiń?!
Bir sen emes sımaı júrgen ózine,
Bir men emes qımaı júrgen ózenin.
Appaq dúnıe!
Seniń atyń bylaıǵy er,
Tez bitkenniń tergeýine shydaı kór!
Er jigitke qaıda da ólim buıyrǵan,
Biraq qaıda týǵandyǵyn suraıdy el.
Eske túsip sol baıaǵy, sol ańyz
Áli sonda bar ma eken,-dep dala, qyz...
Túbinde bir izdeısiń ǵoı, tek ol kez
Basqa-basqa sóılesetin bolamyz!
Nurshat ÁZİNBEK
