Qyrkúıektiń 17 juldyzynda Kókqaınarda kóńildi dekólemdi bir is-shara ótti. Almaty oblysy İle aýdanyna qarasty Kókqaınar aýylynyń 44 mektebinde aqyn Ádilet Ahmetulymen shyǵarmashylyq kezdesý boldy. «Til men táýelsizdik egiz uǵym» atty aıtýly shara Qazaqstanda tilder kúnine baılanysty mektepterde ótip jatqan mádenı sharalardyń jalǵasy edi. Alashtyń kóshbasshysy, ult ustazy Ahmet Baıtursynulynyń týǵan kúni 5-qyrkúıek elimiz kóleminde ana tildi ardaqtaıtyn tilder kúni bolyp bekitilgennen beri jer-jerdegi mektepter atalǵan kúndi negiz ete otyryp, tutas qyrkúıek aıyn til men táýelsizdikke arnalǵan taǵylymdy aı retinde ardaqtap keledi.
Atalǵan mekteptiń úlken zalynda oqýshylar men ustazdar qaýymy tyńǵylyqty daıyndyqpen qurmetti qonaqty kútip aldy. Mektep dırektory Nurmuhammed Ómirbekuly men Qazaq tilimen Ádebıet pánder birlestiginiń jetekshisi Amangúl Ekpintaıqyzy atalǵan is-sharanyń mańyzyna toqtalyp kezdesýdiń shymyldyǵyn ashty.
«Ata jurt» atty óleńin oqyp, sahnaǵa kóterilgen Ádilet Ahmetuly eldik, birlik, táýelsizdiktiń qadir-qymbaty týraly kósile áńgime shertti. Kókqaınar, Ashybulaq aýyldary atyndaǵy «ashshy», «kók», «qaınar» sózderiniń etımologıasyn baıandaı kelip, Kók týdy kóteretin kók túriktiń urpaqtary Kókqaınar mektebinde otyr dep jastúlekterdi jelpindirdi. Uly aqyndar men búgingi shyǵarmashylq kesh ıesiniń óleńderin oqyǵan oqýshylar jan súıindirdi. Oqýshylar aqynǵa qyzyqty suraqtar qoıdy, kesh avtory da tushymdy ári qyzyqty jaýap berip, emen-jarqyn syr bólisti. Bala kezindegi qyzyqty oqıǵalardan tartyp, óziniń ónerdegi ustazdary, ataqty tuǵalardyń ómiri týraly aıtqan estelikteri qyzý qarsy alýǵa bólendi. Patroıttyq taqyrypta jazylǵan óleńderinen shashý shashty, mekteptiń ónerpaz oqýshylary da kileń rýhty ánderdi áýeletti.
Mektep ujymy qurmetti qonaǵyna oqaly ton japsa, Ádilet ahmetuly da «Ádilet» atty tuńǵysh jınaǵyn mektepke tartý etti. Eki jyl boıy betpe-bet júzdesetin keń sahnany, mádenı sharalardy saǵynyp qalǵan oqýshylardyń yntasy men yqylasy bólekshe boldy.
Qytaıda týylyp, sol ediń astanasy Beıjińnen bilim alyp, atajurtyn ańsap jetken Ádilet aqynnyń rýhty óleńderi men qyzyqty estelikteri arqyly jastarymyzdy otanshyldyqqa baýlýǵa, memlekettik tildiń qadir-qasıetin arttyryp, táýelsiz kúndi baǵalaýǵa shaqyrdy.
Tegeýrindi, tekti oıly, qyraǵy,
Tym takappar saıyn dala qyrany.
«Uly dala» deıtin uly óleńniń
Bir tarmaǵy kem sekildi turady,
Bir shýmaǵy kem sekildi turady.
Topyraǵynda top-top emen, top-top sheńgel,
Torańǵysyn jyrǵa qospaı ótpeńder.
Eı, aqyndar, aýyr kúná senderge,
Erlik jaıly óleń jazbaı ketseńder.
Alty-altydan qosar minip ǵalamat,
Alty jylda bola almaspyn aralap.
Aıbatynan aı jasyǵan bul ólke,
Janarynan jaý jasyǵan bul taýlar,
Kúlteginnen bizge jetken amanat,
Abylaıdan sizge jetken amanat, - dep jyr dúldúliniń tizginin tartty aqyn.
avtor: Seıtbatqal Arlen
