Esek aram degeniń múlde ótirik,
Kórdik esek arbada birge otyryp.
Ursań da, boqtasań da qyńyq etpeıdi,
Bir úıly jan artyna súıretilip.
Sháıtan bar dep júrgeniń jalǵanshylyq,
Sháıtan túkte qylǵan joq ardan shyǵyp.
Sháıtan bar dep júrgeniń ózińdegi,
Arsyzdyq pen aıarlyq, aldamshylyq.
Bireýdi ıit dep qorlaýda nadandyǵyń,
Iit qorǵap júr qorańnyń amandyǵyn.
Jýyndy shaıyndyńa aq yrazy bop
Iesine kórseter adaldyǵyn.
Aq sarbas dep ataıtyn toıǵa da udaı
”Haıýan“Dep at qoıamyz qoıǵa bylaı.
Pyshaqqada tamaǵyn túseıtuǵyn,
O, Janýar momaqan qoılarym aı.
Adamnyń arsyzynan toıǵanym-aı！
Qurmanbek ZEITİNǴAZY
6alash usynady
