Búırek – adam aǵzasyndaǵy eń mańyzdy músheniń biri. Ásirese áıelder qaýymy úshin mańyzdylyǵy óte zor. Sebebi áıel adamnyń densaýlyǵy, sulýlyǵy men symbattylyǵynyń basty kepili. Sondyqtan da búırek jumysynyń nasharlaýy, onyń álsizdigi áıel aǵzasyndaǵy túrli dertterden habar beredi. Osyǵan baılanysty aýrýdyń aldyn alýǵa múmkinshilik te týady. Nazarlaryńyzǵa aýrýdyń alty belgisin usynamyz.
- Búırek álsizdiginen bet, aıaq-qol, kózdiń aınalasy isip ketedi. Búırek aǵzadaǵy sýdy retteıtindikten, onyń jumysy buzylsa, qan aınalymy nasharlaıdy. Muny retke keltirýdiń ońaı sheshimi uıqy aldynda sýdy az mólsherde iship, belge arnalǵan jattyǵý jasaý.
- Áıelderdiń tez tońý sebebi búırek álsizdiginen bolady. Mundaı qubylysty jeńý úshin tamaqtaný rasıonyn qadaǵalap, qoı eti, sıyr eti, ashshy burysh, pıaz, zimbir sekildi azyqtardy kóbirek paıdalanǵan jón.
- Búırek álsizdigi áıeldiń jynystyq qarym-qatynasqa qyzyǵýshylyǵyn tómendetip, sebepsiz ashýlanyp klımaks tym erte bastalýyna áser etedi. Sonymen qatar búıregi álsiz adamdar tez qartaıady. Al munyń alyn alý úshin túrli emdik sharalardy paıdalanyp, jeńil jattyǵý túrlerin jasaǵan durys.
- Bastyń aýrýy, uıqynyń buzylýy, mıdyń sharshaýy, oıdyń únemi bólinip ketýi de búırek álsizdiginen bolady. Aǵzadaǵy mundaı ózgeristerdi jeńý úshin qazdyń etin, sańyraýqulaq, júzimdi únemi paıdalaný kerek.
- Búırek álsizdiginen áıelderdiń ishki sekresıa júıesi álsirep, búırek ústi bezinen adrenalın bólinýi azaıyp, denedegi zat almasý prosesi buzylady. Ol artyq maı jınalýyna sebep bolady. Oǵan qarsy turý úshin alaqandy bir-birine ysqylap, jyly kúıinde búırekke basý. Muny kúine birneshe ret qaıtalaǵan jón. Sonymen qosa qaz, qoıan, balyq eti sekildi azyqtardy kóp tutynǵan durys.
- Búırek álsizdiginen qan qysymy artady. Mundaı belgiler baıqalysymen, aýrýdyń aldyn alyp, dárigerge kórinip, emdik sharalar qoldanbasa, búırek isten shyǵyp, ómirge qaýip tóndirýi múmkin.
Erler búıreginiń álsireýi de osynyń ishinde. Ásirese tómendegi birneshe unamsyz turmys ádetteri men selqostyǵy erlerdiń búıregine zaqym jetkizetin eń negizgi sebep bolmaq.
- Aýrýdy basatyn dárilerdi kóp tutyný. Keıbir qabynýdy qaıtaryp, aýrýdy basatyn dárilerdi uzaq ýaqyt tutyný nemese kóp mólsherde tutynýdyń búırekke zalaly asa aýr. Mysaly, bas aýrýdy basatyn dári, qabynýdy qaıtaratyn dári qatarlylar. Bular búırektiń súzý qyzmetine aýyrtpalyq túsirip, búırekke zaqym jetkizedi.
- Shóp dárilerdi qalyptan tys kóp tutyný. Klınıkalyq zertteýler kóknár saýyty, elshi shóp qatarly shóp dárilerdiń búırekti ońaı zaqymdaıtyndyǵyn baıqaǵan. Bulardyń ishindegi kóknar saýyty qatarlylardyń búırekke zaqymy tym aýr.
- Sýyq ishimdikterdi kóp mólsherde tutyný. Jeńil ishimdikter men spırttik ishimdikterdi artyq mólsherde ishý búırekti janamalaı zaqymdaıdy. Adam denesiniń qyshqyl-negizdik dárejesi 7.2 bolatyny belgili. Al jeńil ishimdikter men spırttik ishimdikter jalpy bettik joǵary qyshqyldyq sıpatta bolatyndyqtan, tutynǵannan keıin denedegi qyshqyldyq tepe-teńdik kórnekti túrde ózgeriske jolyǵady. Bul búırektiń qalypty qyzmetine aýyr dárejede zaqym jetkizetin jaǵdaı.
- Balkúlshe sekildi taǵamdarda brom qyshqyldy kalıı atalatyn qospa bolatyndyqtan, jegende tiske jumsaq keledi. Mundaı taǵamdardy uzaq ýaqyt tutynǵanda ortalyq júıke júıesi, qan jasaý júıeleriniń qyzmeti, búırektiń qandy súzý-retteý qyzmetine yqpal etýden, búırektiń álsizdigine ákelip soǵady.
- Qalyptan tys toıyna tamaqtaný. Qazirgi qoǵamda adamdar arasynda barys-kelistiń jıileýi men qoǵam damýyna ilese adamdardyń qonaqasyǵa barý oraıy kóbeıip, únemi dámdi taǵamdarǵa sirep toıý ádetke aınalyp barady. Bul organızmniń as qorytý qyzmetin aýyrlatyp, adam aǵzasynyń qalypty qyzmetine shamadan tys júk túsiredi. Bara-bara dene salmaǵy artyp, árorgandardyń qyzmet qýatynyń artyq sarp bolýyn týdyrady. Adam denesindegi kereksiz zattardyń kóp sandysy búırek arqyly yǵystyrylatyndyqtan, qalyptan tys toıyna tamaqtaný búırekke kúsh túsiretini anyq.
- Araqtyń artynan sháı ishý. Keıbireýler araq ishkennen keıin, sháı ishý mastyqtan aıyqtyrady dep qaraıdy. Shyn mánisinde bulaı isteý múlde ónimsiz bolýymen birge búırekti aýyr dárejede zaqymdaıdy. Mamandar sháı japyraǵyndaǵy sháı negizi búırekke birshama tez áser etý arqyly nesep aıdaý rólin atqaratyndyqtan, osy kezde spırt qaıtalaı ydyraýǵa úlgermeı búırekten yǵystyryp, búırektiń keıbir álsiz júıelerin jansyzdandyrady. Sonymen búırek zaqymdalady eken.
- Tuzdy azyqty tutyný. Azyqtardyń quramyndaǵy tuz mólsheriniń asa joǵary bolýy qan qysymyn joǵarylatady. Júrek pen búırek qannyń qalypty aınalymyn saqtamaýynan búırek túrlishe sozylmaly aýrýlarǵa jolyǵýy ábden múmkin.
- Sýdy az ishý. Adam eger uzaq ýaqyt sý ishpese, denede nesep mólsheri azaıady. Neseptegi kereksiz zattar men ýly zattardyń qoıýlyǵy artady. Klınıkada únemi kezdesetin búırekke tas baılaný, búırekke sý jınalý qatarlylardyń barlyǵy uzaq ýaqyt sýsyzdanýdyń kesirinen týyndaıdy.
- Budan syrt búırekti zaqymdaıtyn qalypsyz turmys ádetteri kóp. Munyń ishinde únemi dáretke qysylýdyń da zardaby tym aýyr. Sondyqtan ár is óz ýaqytymen, óz kezegimen qalypty ótkeni jón. Sondyqtan eń basty baılyq densaýlyq ekenin umytpaǵanymyz jón.
massaget.kz portalynan
