Ádette júktilik kezinde últradybystyq zertteý úsh ret jasalady:
– 12-14 apta: embrıonnyń qursaqta durys ornalasýy;
– 20-24 apta: durys damyp, jetilýi;
– 32-34 apta: balanyń jaryqqa shyǵýyna daıyndyǵy baqylanady.
Eger mynadaı jaǵdaılar bolsa:
- Analyq bezde isik paıda bolsa;
- Ananyń sozylmaly aýrýlary;
- Kópuryqtyq júktilik;
- İshtegi balada sozylmaly gıpoksıa (ottek jetispeýshilik);
- Ananyń ınfeksıalyq aýrýlary;
- Jatyr moınyndaǵy másele;
- Jatyr tútikteriniń ótimdiligi máselesi;
- Qan ketý ne qan aralas suıyqtyq;
- Bala joldasynyń tómen ornalasýy;
- Jatyrdan tys júktilik;
- İshtiń tómen tartyp aýyrýy;
- Ananyń qorshaǵan ortadan (radıasıa, ýlaný, ınfeksıa) zıan shegýi.
Dáriger anaǵa kezekti túsiriletin 3 rettik ÝDZ-den bólek, birneshe ret ÝZI jasatýǵa keńes beredi. Osyndaı máselelerdiń aldyn ala almaı, san soǵyp qalǵansha, gınekolog keńesine qulaq túrip, birneshe ret ÝDZ jasatýdyń zıany tımeıdi.
