Balapan Rabatovtyń óleńderi
Qozdanyp qara topyraq,
Alaqan jaıdy japyraq.
Dalanyń jupar jeline,
Kóktemniń usap tóline,
Saqına saǵym synyp kil,
Kólderdiń beti tunyp tur.
Etegi jasyl, basy áppaq,
Qýanysh muńdy qosaqtap,
Asyr da, tasyr ań qusy,
Óńkeı bir qustyń óńdisi.
Saǵynta kelip sap bolǵan,
Saırany solǵan saqtardan.
Aýyl mahabbaty
Týǵan jerim – torqaly topyraǵym,
Sen degende kelmeıdi toqyraǵym.
Seni qalaı súıýdiń kerektigin,
Men eshqandaı kitaptan oqymadym.
Shoqylarǵa baryp men shoqynamyn.
Maldas quryp masaırap otyramyn.
Súıemin máýeli orman – taldaryńdy,
Anamnyń aq sútindeı bulaqtaryń,
Sen de bardyń bárin men qıa almadym.
Alqam–salqam júrýden uıalmadym.
Bul kúnde azamatpyn alǵa shyǵar,
Ulanyńdy qyran qyp shynyqtyrar
Qalamaımyn kóńildiń qulazýyn,
Mahabbatym – ol meniń jyr azyǵym.
Kindik qanym tógilgen topyraqqa,
Bar qanymdy sarqýǵa razymyn.
Aýylym meniń alapat taýdyń irgesi
Aýylym meniń alapat taýdyń irgesi,
Men úshin qymbat, bir kúni, onyń bir keshi.
Taýyna shyǵyp, sýyna birge shomylǵan,
Dostarym meniń saırandap sonda júr deshi.
Sezemin ishteı moıynda júrgen paryzdy.
Aınalyp saǵan bara almaı júrgen taryzdy.
Muńaıyp keıde bolsam bir oıǵa batqandaı,
Aǵa da, dos ta, qaryndas, qas ta – bári de
Esimde máńgi aq ýyz, appaq qyr keshi.
Adaldyq úshin erterek alǵan júldesi.
Qıdyq qoı bárin, nemene sonda nysana,
Aýyldyń dámin, baýyrdyń ánin saǵynyp,
Sabylyp kelip jaıly bir oryn izdedi.
Aýylǵa degen mahabbat eken bizdegi.
Qalyqtaı ushyp qarlyǵashtaryń uıadan,
Qyranyń úshin qýanyp tursam, qalaısha
Aýylym meniń-saýyǵym ediń qyr-dalam,
Sálemin aıtty alysta jatqan bir balań,
Ózińde týyp, ózińde túlep ushqasyn,
Keleshek kúnge ózińmen ǵana bir baram.
Dáýren – Aı
Óleń meniń emes edi ermegim,
Ólermenim sózge qonaq bermediń.
Bolǵan isten boıaý tappaı jyryma
Tolǵanystan toqyrasam ólgenim.
Qolda barym – poezıa, ıem – pir.
Meniń qosym ózgelerden ıen tur.
Syr aıtady synyqsyǵan dos maǵan,
Eljireıdi óp ótirik júregi
Qaýym da kóp qaýyldasar jónimen.
Taıazdardyń talǵamyna kónip em.
Kóne almadym, jıledi tolǵanys,
Buǵamyn kóp, ábzelimdi ázirlep,
Shóbereler ketpeńizder aýsaı tym.
Asa ǵajap salaýatpen qaýsaıtyn.
Tabylǵanmen tilimizge kóp tyıek,
Bóz qadyryn baǵalaýǵa bar daǵy,
Óleń seni qushar eken qashan baq,
(tilym aman, aman bolǵanymen bas almaq)
Qorqyt kýá bolmasyna máńgi ómir,
Jer uıyǵy joqtyǵyna Asan haq.
Aınalaıyn aq týyńnan ar-namys,
Shyǵam deýmen shalqydyń–aý jolǵa alys,
Qarynǵa da qam qylatyn zamanda,
Darynǵa da kerek boldy qolǵabys.
Damylda sen, qalǵyma tek, sharshadyń,
Túıgenim sol qaljyratty qansha muń?
Ákimi bop óte shyǵý ońaı da,
Aqyny bop qalý qıyn barshanyń.
6alash usyndy
