Ázimhan Tishánuly (1927-1993) Altaı aımaǵy Qaba aýdanynyń túlegi. Aýdarmashy, qytaı baıyrǵy tiliniń mamany, ádebıet tanýshy, baspager.
Mán
Lýsıen Blago (rýmınıa aqyny)
Gúldiń máni - jemisin túıý emes,
Ólmek máni - topyraqqa syıý emes,
Janbaq máni - tútin bop ushý emes,
Peshtiń máni - kúl janyp túsý emes,
Japyraq máni - kóleńke bolǵanda emes,
Kúzdiń máni - qyraýy qonǵanǵa emes,
Joldyń máni - tereń oı, olan shyraq,
Kóktiń máni - bulttary kóshken shubap.
Iá, jolaýshy, jol uzaq, uzaq-uzaq.
(«Kókjıek», 1987 jyl 2-san)
Mahabbattyń aıǵaıy
Klodarıa (fransıanyń áıel aqyny)
Mahabbattyń aıǵaıy
Tamaǵyma
Tyǵyldy,
Baıqaǵan joq tiri pende.
Desede-aý baqyttyń táńirisi,
Netken sonsha kirshiksiz ol pák edi!
Qorqynyshtyń aıǵaıy
Tamaǵyma
Tyǵyldy,
Estigen joq tiri pende.
Desede-aý, adamzat dúnıesi,
Netken sonsha ol zilmáýir qatań edi!
Aıǵaıy mahabbattyń, qorqynyshtyń,
Aıǵaıy nar kúmánniń únsizdiktiń
Jańǵyrar saparyńnyń on boıynda,
Tyńda áne,
Kúbirleıdi
Qulaǵyńa ún!
(«Kókjıek», 1987 jyl)
Jas
Jan Grosjan (fransıa aqyny)
Jazǵy aǵashtyń kóleńkesi
Jol boıyna qulady.
Shildeliktiń daýysy
Tańǵy aýamen tynady.
Barady jetim baladaı
Jol kezip qıyr-qıaqty.
Qozǵalyp ketti kóleńke
Al, men sol qalpym sıaqty.
Shaqyrsa da jer túbi
Táýekelge art dep júgińdi.
Syrqyrap meniń tabanym,
Sharshaǵanym bilindi.
Kóleńkege dem aldym,
Kitáptán ashpaı bir paraq.
Aılar-kúnder qasymnan,
Óte berdi sıpalap.
aýdarǵan: Ázimhan Tishánuly
Daıyndaǵan: Gúlbaqyt Toıbazarqyzy (kelini)
6alash usynady
