Ult rýhanıatyna janashyr kásipkerlerdiń qoldaýymen Dúnıejúzi Qazaqtarynyń Qaýymdastyǵy, «Otandastar Qory» KEAQ-ynyń «Alash-CUP» qaıyrymdylyq qorynyń birlesip uıymdastyrýymen elimizdiń Táýelsizdik merekesi aıasynda qazaq poezıasyna burylys jasaǵan qubylys aqyn, saǵynyshtyń sımvolyna aınalǵan shaıyr-jyraý, «Alash» ádebı syılyǵynyń ıegeri Járken Bódeshulynyń shyǵarmashylyǵyna arnalǵan «Sarykóbelek saǵynysh» atty Halyqaralyq jazba aqyndar músháırasyn jarıalaıdy.
Maqsaty:
Elbasy, Nursultan Nazarbaevtyń «Bolashaqqa baǵdar: Rýhanı jańǵyrý» atty maqalasynda: Adam balasy sheksiz zerdeniń ǵana emes, ǵajaıyp sezimniń ıesi. Týǵan jer – árkimniń shyr etip jerge túsken, baýyrynda eńbektep, qaz basqan qasıetti mekeni. Talaı jannyń ómir-baqı turatyn ólkesi. Ony qaıda júrse de júreginiń túbinde áldılep ótpeıtin jan balasy bolmaıdy, – dep atap ótkenindeı týǵan jerge saǵynysh et júrekti pendeniń júrek túkpirindegi lúpili. Al, onyń aqyndar sanasyn bulqyndyryp, jyr bolyp órilmeýi múmkin emes. Sol turǵydan qaraǵanda shetelden kelgen, týǵan jeri jattyń menshiginde qalǵan qazaq aqyndarynyń jan sezimi aıtpasada túsinikti. Týǵan jerin jarty ǵasyr jyrlaǵan Járken aqynnyń «jaýyr bolǵan» saǵynysh derti jyrqumar talaı jastyń júregin shymshylaǵan ǵajaıyp sezimge ulasqany anyq. Jas urpaqtyń sanasyna Járken Bódeshulynyń shyǵarmashylǵyn nasıhattaý, jastar shyǵarmashylyǵyn qoldaý kórsetý bul sharanyń basty maqsaty bolyp tabylady.
Músháıranyń sharty:
40 jasqa deıingi aqyndar 2 óleńimen qatysa alady.
Birinshi óleńi aqyn Járken Bódeshulynyń shyǵarmashylyǵyna, aqyndyq bolymysyna, tulǵalyq kelbetine arnalýy mindetti.
Ekinshi óleń saǵynysh, týǵan jer taqyrybynda.
Shyǵarmalar 1-jeltoqsanǵa (01.12.2020j) deıin [email protected] elektrondy pochtasy arqyly qabyldanyp, qazylar alqysynyń sheshimimen Táýelsizdik kúni qarsańynda (naqty ótetin ýaqyty qosymsha habarlanady) qorytyndy shyǵarylyp, jeńimpazdardy saltanatty marapattaý rásimi ótkiziledi.
