Shákárimniń Zıaty –
«Alash» arystarynyń ary, syry, uıaty.
Jalǵan, qysqa ǵumyrda arda Altaıyn oıatyp
ketken ǵazız er edi, atalmastan jıi aty.
Qyzyl dushpan qyrǵıdaı baıtaǵyma talasty,
Qıyn kúnde er Zıat aqıqatqa jol ashty.
Rýhymen jalǵady Arqa menen Altaıdy,
Uly isimen jalǵady Arǵy bet pen Alashty…
Qaq bólindi qaıran el, Arǵy bet pen Bergi bet,
Zıat súıdi qazaǵyn aq júrekpen eljirep.
Shákárimdi atqandar kózin qurtty ulynyń,
Uly Alashtyń ul-qyzy qaldy kózi móldirep.
O, Abaıdyń oń kózi, erte janǵan shyrpym-aı,
Salqam-salqam samsyǵan Saryarqanyń bultyn-aı.
Kúlli Alashty ózińe taǵzym jasatar edim,
Seniń ǵazıyz deneńdi taýyp alsam, shirkin-aı!
Dilim meniń oıansa, seniń atyń ólmes-ti,
Aınalaıyn aqsúıek, altyn jaldy kerbesti!
Ese teńdik, erkindik óz qolynda bolsa eger,
Mármár kóńil qazaǵym seni jaýǵa bermes-ti…
Shákárimniń balasy, esil Zıat – arda shyń,
Naǵyz shahıt bahadúr, rýhyń ǵarysh sharlasyn!
Seniń eliń atyńdy ulyqtaıtyn kún týar,
Tektiliktiń tuǵyryn qaıta taýyp alǵasyn!
Ádilet Ahmetuly
