Arqada qar jaýyp tur
Sáken Rızabekuly
Arqada qar jaýyptur qapalaqtap,
Aqmamyq qus júnime?!
maqtama áppaq.
Qabady qarys túsken kóbik qardy ,
Astymda aqtulparym ashqaraqtap .
At jaraý, arqa jazyq , kelem jortyp .
Jatqandaı áppaq álem, ǵalam kóship.
Sýyqqa boı aldyrmas atty qazaq ,
Qazysyn tý bıeniń jegen kertip.
Aq burqaq jaly oınap jotalardyń ,
Asaýdaı aýa raıy osy aranyń .
«At ústi áýlıe» – dep, aıtýshy edi,
Aqylgóı abyzdarym atalarym.
Aspanmen aımalasyp jer óbisti,
Oıandy mahabatym óńirge osy.
Dalada aqparaqtaı qalǵan izim ,
Sekildi Baıtursnov emilesi .
Oınaǵan kóz qarlyǵar aqshyl saǵym,
Dirildeıt aq murttary tal-shyrshanyń.
Atymnan aýdarylyp tústim bir sát,
Sebebi at býsanyp, men shárshadym.
Úlpildek úkisindeı qamys qyzdyń ,
Barady qalyńdatyp qar ushqynyn .
Jazýǵa júrek sózin áppaq qarǵa ,
Jyp-jyly saýsaǵymdy malyp turdym.
* * *
Arqada qar jaýyp tur aqnesibe ,
Keltirip tirshilikti táýbesine .
úıirip torǵaıbastap ońdy-soldy,
Altaıda jaýǵan qardy saldy esime.
Túsedi aq sháshýlar saýlap kókten ,
Aǵashtar tosypaptur aýmaqta ósken.
Aq bulttar aq ájemdeı aq matamen ,
Oıpań-dóń jer jyrtyǵyn jamap ketken ,
Qaratpas qys ashýy qal kúıińe ,
Qaraıdy jas kelinshekteı talda ıile.
Jeldirme jel azynap tartady kúı ,
Qobyzyn keltiripap zar kúıine .
Juldyzdaı qar ushqyny jamyraǵan,
Qaıtaryp nesibesin jaz urlaǵan.
Bult ketip barajatyr qara qoshqyl,
Saýyldap kúmis teńge balaǵynnan.
Áljýaz jylymyqtyń mysyn basyp ,
Ashýshań aıaz keler tisin basyp.
Arqada qar jaýyptur qarashada,
Aqqardy ketip baram syqyrlatyp .
2022-jyly 17-qarasha
