ناۋرىزدىڭ 20-سى كۇنى Facebook جەلىسىندەگى «SARAJOL» پاراقشاسىندا موڭعوليانىڭ بايان-ولگەي ايماعىنان تۇلەپ ۇشىپ، الەمنىڭ ۇزدىك مەملەكەتتەرىندە ءبىلىم العان، بۇگىنگى تاڭدا اقش-تىڭ كاليفورنيا شتاتىنداعى بەلگىلى كومپانيالاردا قىزمەت اتقارىپ جۇرگەن ولگەيدىڭ ءبىرتوپ دارىندى تۇلەكتەرىمەن «جاستار – ەلدىڭ ەرتەڭى» ناۋرىز 2021 اتتى Live /ونلاين/ كەزدەسۋ ۇيىمداستىرىلدى.
بۇل كەزدەسۋ شەت مەملەكەتتەردە ءبىلىم الىپ، تاجىريبە جيناقتاپ، ءورىسىن كەڭەيتكىسى كەلەتىن تالابى تاۋداي جاسامپاز جاستارعا ارنالدى. كەزدەسۋدە:
- دۇرىس ماماندىق تاڭداي ءبىلۋ؛
- كاسىبي شەبەرلىك؛
- عىلىم-تەحنولوگيا؛
- ۇستانىم & ماقسات؛
- ومىرلىك تاجىريبە جانە ت.ب تاقىرىپتاردا اڭگىمە ءوربىتتى.
جاستارمەن ءوز بىلىم-تاجىريبەسىن ءبولىسىپ، ويىن ورتاعا سالعان Live كەزدەسۋدىڭ باستى قوناقتارى:
ماتاي ۇلى جاناربەك، PhD /اقش-تىڭ كاليفورنيا شتاتىنداعى «Qualcomm» كومپانياسىنىڭ اعا ينجەنەرى/؛
تاناي ۇلى ەرتاي، PhD /كاليفورنيا مەملەكەتتىك ۋنيۆەسيتەتىنىڭ دوكتور، پروفەسسورى/؛
باتحان قىزى گۇلجاۋھار، CPA /«G&J Tax» كومپانياسىنىڭ قالاۋشىسى/؛
حاباي ۇلى ەرجانات /«Facebook» كومپانياسىنىڭ ستراتەگيالىق اعا ءاناليستى/؛
جەڭىس ۇلى باۋىرجان /«Rio Tinto» كومپانياسىنىڭ اعا ينجەنەرى/؛
شەگەباي ۇلى ارعىنبەك /«Facebook» كومپانياسىنىڭ اعا ينجەنەرى/.
Live كەزدەسۋدە قوناقتارعا سۇراقتار قويىپ، پىكىر الماسىپ بەلسەندىلىك تانىتقان جاستارعا باي-ولكەدەگى «Technozone» كومپانياسىنىڭ اتىنان سمارت تەلەفون سىيعا بەرىلدى.
ءوز ءبىلىمىنىڭ ارقاسىندا شەت مەملەكەتتەردىڭ تانىمال مەكەمەلەرىندە جۇمىس جاساپ، ءبىلىم جولىندا جەتىستىكتەرگە قول جەتكىزىپ جۇرگەن باي-ولكەنىڭ قىز-جىگىتتەرىنىڭ «جاستار – ەلدىڭ ەرتەڭى» ناۋرىز 2021 Live سۇحباتىنىڭ تولىق نۇسقاسىن نازارلارىڭىزعا ۇسىنامىز!
جاناربەك ماتاي ۇلى، PhD
/«Qualcomm» كومپانياسىنىڭ اعا ينجەنەرى/
جاناربەك – كومپيۋتەر عىلىمدارىنىڭ دوكتورى، سان-ديەگوداعى كاليفورنيا ۋنيۆەرسيتەتى(UCSD)، كورەيا جوعارى تەحنولوگيا ينستيتۋتى (KAIST)، موڭعول مەملەكەتتىك عىلىم جانە تەحنولوگيا ۋنيۆەرسيتەتتەرىنىڭ تۇلەگى. ونىڭ اۆتورلىق ەتكەن كاسىبي كىتابى الەمنىڭ ۇزدىك ۋنيۆەرسيتەتتەرىندە وقىتىلادى. قازىرگى تاڭدا اقش-تىڭ كاليفورنيا شتاتىنداعى «Qualcomm» جاساندى ينتەلەكتى زەرتەۋ ورتالىعىندا «اعا ينجينەر» بولىپ قىزمەت اتقارىپ جۇرگەن، ءوز ءىسىنىڭ شەبەرى، بىلىكتى كوشباسشى.
ەرتاي تاناي ۇلى، PhD
/كاليفورنيا مەملەكەتتىك ۋنيۆەسيتەتىنىڭ دوكتور، پروفەسسورى/
ەرتاي – 2009-2010 جىلى اقش-تىڭ ورەگون شتاتىنداعى پورتلەند مەملەكەتتىك ۋنيۆەرسيتەتىن (PSU) باكالاۆر، 2010-2012 جىلى ماگيستر دارەجەسىمەن بىتىرگەن. اقش-تىڭ وحيو شتاتىنداعى كەنت مەملەكەتتىك ۋنيۆەرسيتەتىنەن (KSU) دوكتورانتۋرادا وقىپ، PhD دارەجەسىن 2016 جىلى قورعاعان، قازىرگى تاڭدا كاليفورنيا مەملەكەتتىك ۋنيۆەسيتەتىنىڭ (CSU) دوكتور، پروفەسسورى بولىپ قىزمەت اتقارىپ جۇرگەن دارىندى كوشباسشى.
ارعىنبەك شەگەباي ۇلى
/«Facebook» كومپانياسىنىڭ اعا ينجەنەرى/
ارعىنبەك – رەسەيدىڭ سانكت-پەتەربور مەملەكەتتىك پوليتەحنيكالىق ۋنيۆەرسيتەتىندە باكلاۆر، اقش-تىڭ ايوۆا شتاتىنىڭ Fairfield قالاسىندا ماگيستراتۋرا بويىنشا ءبىلىم الىپ، MobiCom، Samsung Electronics، Rio Tinto قاتارلى ءبىرقانشا ءىرى كومپانيالاردا قىزمەت اتقارعان بىلىكتى مامان. قازىرگى تاڭدا اقش-تىڭ كاليفورنيا شتاتىنداعى Facebook كومپانياسىندا «اعا ينجەنەر» بولىپ جۇمىس جاسايدى.
گۇلجاۋھار باتحان قىزى، CPA
/«G&J Tax» كومپانياسىنىڭ قالاۋشىسى/
گۇلجاۋھار – ماسكەۋدىڭ قارجى ۋنيۆەرسيتەتىندە باكالاۆر مەن ماگيستر اكادەميالىق دارەجەسىندە ءبىلىم الىپ، الەمگە تانىمال «دەلويت» جانەدە «Jarus & Co LLP» كومپانيالارىندا تاجىريبە جيناۋمەن قاتار مەنەدجەرلىك دەڭگەيگە جەتىپ، بيىك شىڭداردى باعىندىرعان. ول بۇگىنگى تاڭدا اقش-ىڭ لوس-انجەلەستەگى كاليفورنيا ۋنيۆەرسيتەتىندە بىلىكتىلىگىن شىڭداۋمەن قاتار اسا جوعارى ساناتتاعى «مەملەكەتتىك سالىق ەسەپشىسى /CPA/» دارەجەسىنە يە بولدى. قازىرگى كەزدە اسا كۇردەلى «قارجى جانە اۋديت» سالاسىندا جەكە كومپانياسىن قۇرىپ، كاسىپكەرلەرگە سالىق زاڭناماسى بويىنشا اقىل-كەڭەس بەرۋمەن اينالىسادى.
باۋىرجان جەڭىس ۇلى
/«Rio Tinto» كومپانياسىنىڭ اعا ينجەنەرى/
باۋىرجان – تەمىر-كەن، مىس، الماس، التىن جانە ۋران وندىرەتىن BHP-دەن كەيىنگى الەمدەگى ەكىنشى ءىرى مەتاللۋرگيا جانە تاۋ-كەن «Rio Tinto» كورپوراسياسىنىڭ موڭعولياداعى «ويۋۋ-تولگوي» دەپ اتالاتىن بولىمشەسىندە «سەنيور بيزنەس اناليست /Senior Advisor، Business Improvement/» بولىپ جۇمىس جاساعان. بۇگىندە اقش-تىڭ كاليفورنيا شتاتىنداعى «Rio Tinto» كومپانياسىندا «داتا عىلىمىنىڭ اعا ينجەنەرى /Principal Data Scientist/» بولىپ قىزمەت اتقارىپ جۇرگەن ءبىلىمدى دە بىلىكتى مامان.
ەرجانات حاباي ۇلى
/«Facebook» كومپانياسىنىڭ ستراتەگيالىق اعا ءاناليستى/
ەرجانات – تۇركيا ەلىنىڭ ىستامبۇل قالاسىنداعى Bogazici ۋنيۆەرسيتەتىندە باكلاۆر، اقش-تىڭ Oرەگون شتاتىنداعى ورەگون ۋنيۆەرسيتەتىندە ماگيستراتۋرا بويىنشا ءبىلىم الىپ، ينتەل كومپانياسىندا «مەنەدجەر، ماركەتينگ داتا عىلىمى /Manager، Marketing Data Science/» بولىپ جۇمىس جاساعان، بۇگىندە اقش-تىڭ كاليفورنيا شتاتىنداعى Facebook كومپانياسىندا «ستراتەگيالىق اعا اناليست /Senior Quantitative Strategy Analyst/» بولىپ قىزمەت اتقارىپ جۇرگەن، ءوز ءىسىنىڭ شەبەرى، بىلىكتى كوشباسشى.
«جاستار – ەلدىڭ ەرتەڭى» ناۋرىز 2021 Live /ونلاين/ سۇحباتىنىڭ نەگىزگى ۇيىمداستىرۋشىسى، «SARAJOL» اكادەمياسىنىڭ جەتەكشىسى – كادىربەك سايلاۋ ۇلى.
كادىربەك – تۇركيانىڭ انكارا قالاسىندا «اقپاراتتىق تەحنولوگيالار (IT)» باعىتىنداعى جوعارى وقۋ ورنىن، اقش-تا كومپيۋتەر عىلىمدارىنىڭ ماگيسترىن وقىپ، موڭعوليانىڭ ۇلانباتىر قالاسىندا مەملەكەتتىك سەرتيفيكاتپەن ينجەنەر دايىنايتىن «Empasoft Academy» كومپانياسىنىڭ نەگىزىن قالاعان. بۇگىنگى تاڭدا اقش-تىڭ ورەگون شتاتىنىڭ پورتلان قالاسىندا ماماندىعى بويىنشا قىزمەت اتقارىپ جاتقان بىلىكتى ينجەنەر.
«SARAJOL» اكادەمياسىنىڭ نەگىزگى ماقساتى – الدىڭعى بۋىن اعالار، ىزىنەن ەرگەن ەل ەرتەڭى بولار ستۋدەنت، وقۋشى جاستاردىڭ دۇرىس ءبىلىم الىپ، قاجەتتى كاسىپكە ۇيرەنۋگە، كاسىبي مامانعا اينالۋعا دەگەن ىنتا-جىگەرىن ارتتىرۋ جولىندا كەڭەس بەرىپ، يگىلىكتى ءىس جاراتا وتىرىپ سارا جول نۇسقاۋ!
دايىنداعان: جۇباتگۇل سامبۋۋ قىزى
6alash ۇسىنادى
