«ءولى-تىرى» قانداي جوسىن
قازاقتىڭ سالت-داستۇرىندە قۇدالىقتىڭ باسى ولى-تىرىمەن باستالادى. «ء ۇلى رازى بولماي، ءتىرى بايىمايدى» دەپ، ارۋاق اتتاماي، قۇران وقىپ، قۇرمەتتىڭ ۇلكەنىن ارۋاقتان باستايتىن قازاق حالقى، مىڭ جىلدىق قۇداعا دەگەن ىزەت، سىيىن وسى ولى-تىرىمەن باستاعان.
ءولى-تىرى دەگەنمىز-قىز بەن جىگگىتتىڭ اكە-شەشەسى، تۋىس-تۋعاندارى قۇدا بولۋعا كەلىسكەنسوڭ، كۇيەۋ جاقتىڭ ءجاي شاماسىنا، اتاق-ابىرويىنا قاراي قۇداعا كورسەتەتىن العاشقى سىيى نەمەسە كادە جولى.
ولى-تىرىگە كوبىندە تۇيە، ات، ەڭ كىشىسى قويعادەيىن اپارىلادى. قورجىنعا ولىگە ارناپ، اقتىق، تىرىگە ارناپ كيىم-كەشەكتىك ماتالار سالىنعان. بۇل ءولى مەن ءتىرىنى بىردەي ەسكە الىپ كەلىپ وتىرمىز « قۇدالىق قيابەتتىك ەمەس، قيامەتتىك بولسىن» دەگەنى ەدى.
قۇدا جاق، قىز وتباسى وسبىر العاشقى سىيلاستىق دامىنە ارناپ مال سويىپ، قۇران وقىتىپ، شاعىن تىلەۋ جاسايدى.
«ءۇيىرى باسقانى نوقتا قوسادى، رۋى باسقانى قىز قوسادى» دەپ تاعىلىم قالدىرعان قازاقتى قارعا تامىرلى ەتكەن دە وسى قۇداندالىق! ونىڭ باسى، سىيلاستىق پەن بەرەكەنىڭ التىن ەسىگى "ءولى-تىرىنى " ۇمىتپايىق!
قۋانىش ءىلياس
