ءقازىر جۇرتتىڭ ءبارى قوناعاسىعا كوپ باراتىندىقتان جانە جۇمىسى قاربالاس بولعاندىقتان ۋاقىتىندا تاماقتانا المايدى. االايدا مۇنىڭ اسقازان-ىشەك جولى اۋرۋلارىنا شالدىقتىراتىنىن كوپ ادام بىلە بەرمەيدى. اسقازان-ىشەك جولى اۋرۋلارىنىڭ العاشقى بەلگىلەرى قانداي؟ قانداي ادەتتەر اسقازانعا زيان كەلتىرەدى؟ كۇندەلىكتى تۇرمىستا نەلەرگە كوڭىل ءبولۋ كەرەك؟
اسقازان-ىشەك جولى اۋرۋلارىنا شالدىققان ادامداردا ۇنەمى زاپىران قۇسۋ، جۇرەك سوعۋ، كەكىرۋ، ەنتىگۋ، ءىشى كەبۋ، قۇسۋ، ءىشى ءوتۋ، اسقازان قىشقى ارتۋ، اسقازانى اۋىرۋ، سونداي-اق اس قورىتۋى ناشارلاۋ سياقتى بەلگىلەر بايقالادى. باستاپقى كەزدە اندا-ساندا جايسىزدانۋ بولسا، اۋرۋ اسقىنا كەلە كۇن سايىن مازالايتىن حالگە جەتەدى. سوندىقتان مۇنداي جاعدايدا دۇرىس تاماقتانباۋ ادەتىنەن ارىلىپ، دارىگەردىڭ كەڭەسىنە جۇگىنگەن ابزال. ءتيىستى تەكسەرۋلەردەن ءوتىپ، ۋاقىتىلى ەمدەلۋ كەرەك.
ەندەشە قانداي ادەتتەر مەن تۇرمىس سالتى اسقازانعا زيانىن تيگىزەدى؟
- قوبالجۋ. قاتتى قوبالجۋ، مازاسىزدانۋ، اشۋلانۋ نەرۆ جۇيەسىنە اسەر ەتىپ قانا قالماي، اسقازان مەن ىشەك قىزمەتىنىڭ بۇزىلۋىنا اكەلەدى.
- دۇرىس تاماقتانباۋ. كوپتەگەن ادامدار تاماقتانۋ تارتىبىنە ءمان بەرمەي، بىردە توق، بىردە اش جۇرە بەرەدى. قارىنى اشقان كەزدە اسقازاندا قىشقىلى ارتادى دا، اسقازاننىڭ كىلەگەي قاباتىن بۇلدىرەدى. ال تويا تاماقتانعان كەزدە اسقازاننىڭ ءوزىن قورعاۋ قابىلەتى وڭاي ءبۇلىنىپ، اسقازان زاقىمدالادى. كەي كىسىلەر اششى جانە سۋىق تاعامداردى ۇناتادى. مۇنداي تىتىركەندىرگىش ازىقتىقتار دا اسقازان كىلەگەي قابىعىن تەز زاقىمدايدى.
تاماقتانۋدىڭ دۇرىس ادەتىن قالىپتاستىرۋ ءۇشىن:
- ۋاقىتىلى تاماقتانۋعا جانە استىڭ قالىپتى مولشەرىنە ءمان بەرىڭىز. قانداي قاربالاس بولساڭىز دا تاماقتانۋعا ۋاقىت ءبولىڭىز. تاماقتى اسىعىپ جانە تويا جەۋ دە اسقازانعا قىسىم تۇسىرەتىنىن ۇمىتپاڭىز.
- ءقاۋىپسىز تاعامداردى تۇتىنۋ. تاپسىرىس ارقىلى سىرتتىڭ تاماعىن ءجيى جەۋ اسقازان-ىشەك جولى اۋرۋلارىنا وڭاي شالدىقتىرادى. وڭاي قورىتىلاتىن، دارۋمەندەرگە باي كوكونىستەر مەن جەمىس-جيدەكتەر – اسقازانىڭىزدىڭ داۋاسى. تاماقتىڭ ءتۇرىن كوبەيتىپ، سۇيىق استى ءجيى ىشۋگە كوڭىل ءبولىڭىز.
- تازالىققا ءمان بەرۋ. «اۋرۋ استان» دەگەن ءسوز جايدان-جاي ايتىلماسا كەرەك. تاماقتانۋدىڭ الدىندا قولدى سابىنداپ جۋۋ، سىرتتان تاماقتانعاندا دا اسحانانىڭ تازالىعىنا قاراۋ كەرەك.
- كوتەرىڭكى كوڭىل-كۇيدى ساقتاۋ. كوڭىل-كۇيدىڭ تۇراقتى بولۋى اس قورىتۋ جولدارىنىڭ زاقىمدالۋىنىڭ الدىن الادى. ەرتە ۇيىقتاۋ، سالاۋاتتى ءومىر سالتىن ۇستانىپ سپورتپەن اينالىسۋ، دەمالىسقا كوڭىل ءبولۋ دە وتە ماڭىزدى.
6alash ۇسىنادى
