ادەتتە جۇكتىلىك كەزىندە ۋلترادىبىستىق زەرتتەۋ ءۇش رەت جاسالادى:
– 12-14 اپتا: ەمبريوننىڭ قۇرساقتا دۇرىس ورنالاسۋى؛
– 20-24 اپتا: دۇرىس دامىپ، جەتىلۋى؛
– 32-34 اپتا: بالانىڭ جارىققا شىعۋىنا دايىندىعى باقىلانادى.
ەگەر مىناداي جاعدايلار بولسا:
- انالىق بەزدە ىسىك پايدا بولسا؛
- انانىڭ سوزىلمالى اۋرۋلارى؛
- كوپۇرىقتىق جۇكتىلىك؛
- ىشتەگى بالادا سوزىلمالى گيپوكسيا (وتتەك جەتىسپەۋشىلىك)؛
- انانىڭ ينفەكسيالىق اۋرۋلارى؛
- جاتىر موينىنداعى ماسەلە؛
- جاتىر تۇتىكتەرىنىڭ وتىمدىلىگى ماسەلەسى؛
- قان كەتۋ نە قان ارالاس سۇيىقتىق؛
- بالا جولداسىنىڭ تومەن ورنالاسۋى؛
- جاتىردان تىس جۇكتىلىك؛
- ءىشتىڭ تومەن تارتىپ اۋىرۋى؛
- انانىڭ قورشاعان ورتادان (رادياسيا، ۋلانۋ، ينفەكسيا) زيان شەگۋى.
دارىگەر اناعا كەزەكتى تۇسىرىلەتىن 3 رەتتىك ۋدز-دەن بولەك، بىرنەشە رەت ۋزي جاساتۋعا كەڭەس بەرەدى. وسىنداي ماسەلەلەردىڭ الدىن الا الماي، سان سوعىپ قالعانشا، گينەكولوگ كەڭەسىنە قۇلاق ءتۇرىپ، بىرنەشە رەت ۋدز جاساتۋدىڭ زيانى تيمەيدى.
