اقش-تىڭ كاليفورنيا شتاتىنداعى ۋنيۆەرسيتەت عالىمدارى عىلىمي تىلدە Artemisia Annua دەپ اتالاتىن وسىمدىكتىڭ بار-جوعى 16 ساعاتتىڭ ىشىندە وكپە راگى جاسۋشالارىنىڭ 98 پايىزىن بىردەن جويىپ جىبەرۋگە قابىلەتتى ەكەنىن انىقتادى.
بۇل – قازاق ساحاراسىنىڭ كەز كەلگەن دەرلىك جەرىندە جۇپار ءيىسى بۇرقىراپ ءوسىپ تۇراتىن كادىمگى جۋسان ءشوبى. اتام قازاق ەرتەدەن قاستەر تۇتقان، الىس ساپارلارعا شىققاندا ۇدايى جانىندا ءبىر بۋماسىن الىپ جۇرگەن وسكىننىڭ وسىنداي قۇدىرەتى بار بولىپ شىقتى.
امەريكا عالىمدارى جۋساندى بۇل ماقساتقا پايدالانا ءبىلۋدىڭ دە ءوز ەرەكشەلىكتەرى بار ەكەنىن ايتىپ وتىر. مىسالى، ونىڭ ءبىر جىلدىق وسكىنىن ەمگە قولدانعان جاعدايدا ول وكپەدەگى قاتەرلى ىسىكتىڭ تەك 28 پايىزىن عانا جويىپ جىبەرە الادى. ال ەگەر وعان تەمىر قوسپاسىن قوسىپ پايدالانسا، وسىمدىك راكتى تولىق قۇرتىپ ءجىبەرەدى.
– تۇتاستاي العاندا، زەرتتەۋ ءناتيجەلەرى ارتەميزينين پرەپاراتىنىڭ راك جاسۋشالارىنىڭ قارقىنمەن ءوسۋىن تولىق باقىلاۋدا ۇستاي الاتىنىن كورسەتىپ بەردى، – دەدى زەرتتەۋ اۆتورلارى.
ال Sanofi فارماسيەۆتىك كومپانياسى وسىدان باستاپ جىلىنا 50-60 توننا ارتەميزينين ءوندىرىپ تۇراتىنىن مالىمدەدى.
ءدارى جاساۋ وندىرىسىندە بۇرىن وسىناۋ قىشقىلتىم وسىمدىكتىڭ ساباعى مەن جاپىراعى بەزگەكتەن ەمدەۋدىڭ وتە كۇشتى قۇرالى رەتىندە پايدالانىلىپ كەلگەن ەكەن.
ەسكە سالا كەتەيىك، جاقىندا اقش عالىمدارى راك اۋرۋلارىمەن كۇرەستە ريەۆوليۋسيالىق دەڭگەيدەگى تەراپيا تابىلىپ وتىرعانىن جاريالاعان بولاتىن. ونىڭ جۋسانمەن قاتىستى ەكەنى ەندى عانا ايتىلىپ وتىر.
6alash ۇسىنادى
alashainasy.kz سايتىنان الىندى
