- ۇزاق ءجۇرۋ. كەي قارتتار كوپ جۇرسە دەنساۋلىققا پايدالى دەپ ەسەپتەپ، كۇنىنە 6 شاقىرىم ءجۇرۋدى ادەتىنە اينالدىرادى. شىن قۋعاندا بۇل بۋىندى زاقىمداۋى مۇمكىن. جاسى ۇلعايعان كىسىلەرگە كۇنىنە 3-4 مىڭ قادام جول ءجۇرۋ جەتكىلىكتى. سونداي-اق تەز جۇرمەي، شارشاعاندا دەمالىپ وتىرۋ كەرەك.
- ۇزاق تۇرەگەپ تۇرۋ. ۇزاق ۋاقىت تۇرەگەپ تۇرۋ اياقتىڭ قان اينالىمىنا كەرى اسەرىن تيگىزەدى. كوبىنەسە مۇنداي جاعدايدا كوكتامىر تۇيىلەدى. اسىرەسە قانى قويۋ، دابلەنيەسى جوعارى، قانت ديابەتى بار قارتتار ۇزاق ۋاقىت تۇرەگەپ تۇرسا قان اينالىسى ناشارلاپ، ينسۋلت الۋى مۇمكىن. سوندىقتان جاسى ۇلعايعان كىسىلەر 20 مينۋتتان ارتىق تۇرەگەپ تۇرماعانى ابزال. ءار كۇنى كەشتە اياقتى جىلى سۋعا مالىپ وتىرعان ءجون.
- ۇزاق وتىرۋ. ۇلكەن كىسىلەردىڭ كوپشىلىگى تەلەديدار كورگەندى، شاحمات ويناعاندى ۇناتادى. ءبىر ورىندا تاپجىلماي وتىرعاندا سۇيەكتىڭ كەمىكتەنۋىن جەدەلدەتەدى. كوپ وتىرعاندا مويىن ومىرتقاسى ۇزاق ۋاقىت بويى قوزعالمايتىندىقتان، باس اۋرۋلارى مەن مويىن ومىرتقا اۋرۋلارىنا وڭاي كىرىپتار ەتەدى. سوندىقتان ۇلكەن كىسىلەر جارتى ساعات سايىن قوزعالىس جاساپ تۇرۋى ءتيىس.
- ۇزاق ۋاقىت جاتۋ. كوپتەگەن قارتتاردىڭ قان اينالىمى جاقسى ەمەس. ۇزاق ۋاقىت جاتقاندا تەرى قانتالاپ، ەتى ويىلۋى مۇمكىن. جاتقان ۋاقىت ۇزارعان سايىن بۇلشىق ەتتەر قۇرىسىپ، ءىش قاتۋ ءقاۋپىن تۋدىرادى. ەگەر ناۋقاس سەبەبىنەن ۇزاق ۋاقىت جاتۋعا تۋرا كەلگەندە تەرىنىڭ تەسىلىۋىنەن ساقتانۋ كەرەك. مۇندايدا جەل بوستەكتى توسەنىشتى پايدالانۋعا بولادى.
- ۇزاق ۋاقىت تەسىلە قاراۋ. قارتتار كوزىن كوپ دەمالتپاسا، كوزدىڭ قاراۋىتۋى، قۇرعاۋى، كورۋ قۋاتىنىڭ زاقىمدالۋى، كوزدە سارى داقتىڭ پايدا بولۋى سياقتى جاعدايلارعا تاپ بولادى. سوندىقتان تەلەديدار كورىپ، گازەت وقىعان كەزدە 20 مينۋت سايىن جاناردى تايدىرۋ نەمەسە كوزدى جۇمىپ، 5 سەكۋندتان سوڭ قايتا اشۋ كەرەك. ادەتتە كوبىرەك كىرپىك قاعىپ، كوز بۇلشىق ەتىن ارەكەتتەندىرىپ وتىرعان ءجون. سونداي-اق كوز جانارىن اينالدىرىپ، جوعارى، تومەن، وڭعا، سولعا قاراپ جاتتىعۋ جاساۋ كەرەك.
6alash ۇسىنادى
