«بۇگىنگى قازاقستان جانە وتاندىق ءوندىرىس» اتتى دوڭگەلەك ۇستەل وتەدى
2023 جىلعى 17 ناۋرىز، ساعات 11.00-دە ق ر ۇلتتىق كىتاپحاناسىنىڭ ن. داۋلەتوۆا اتىنداعى زالىندا ««Kelun-Kazpharm» كومپانياسىنىڭ اتقارۋشى ديرەكتورى مەرەي سلام ۇلىنىڭ تۋعانىنا 60 جاس تولۋىنا وراي «بۇگىنگى قازاقستان جانە وتاندىق ءوندىرىس» اتتى دوڭگەلەك ۇستەل وتەدى.
ءوندىرىس قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىن (قازاقستان رەسپۋبليكاسى پرەزيدەنتىنىڭ 2010 جىلعى 1 اقپانداعى № 922 جارلىعى) ورىنداۋ ماقساتىندا قۇرىلعان. يندۋستريالىق-يننوۆاسيالىق دامىتۋدىڭ مەملەكەتتىك باعدارلاماسى رەتىندە (قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى № 958 جارلىعى) قازاقستان رەسپۋبليكاسىنا شەتەلدىك ينۆەستورلاردى تارتۋ بويىنشا جەمىستى جۇمىستار جۇرگىزىلدى. سونىمەن قاتار، قازاقستان رەسپۋبليكاسىنا ينۆەستيسيا تارتۋ، ارنايى ەكونوميكالىق ايماقتاردى دامىتۋ جانە ەكسپورتتى ىنتالاندىرۋ جونىندەگى 2010-2014 جىلدارعا ارنالعان باعدارلاماعا سايكەس «كەلۋن-كازفارم» ج ش س قازاقستان رەسپۋبليكاسىنداعى ەڭ ءىرى فارماسيەۆتيكالىق زاۋىت سالۋ جوباسىن قۇرۋ جانە ىسكە اسىرۋ ارقىلى قۇرىلدى. قازاقستان رەسپۋبليكاسىندا وتاندىق وندىرىلەتىن دارىلىك زاتتاردىڭ ۇلەسىن ارتتىرۋ جانە وسى پرەپاراتتارعا يمپورتقا سۇرانىستى ارتتىرۋ كوزدەلدى.
«Kelun-Kazpharm» فارماسيەۆتيكالىق زاۋىتىنىڭ نەگىزىن قالاۋشىلاردىڭ ءبىرى – بەلگىلى كاسىپكەر، مەسەنات سلام ۇلى مەرەي. قازىرگى ۋاقىتتا ول وسى زاۋىتتىڭ اتقارۋشى ديرەكتورى.
«Kelun-Kazpharm» فارماسيەۆتيكالىق زاۋىتى (كەلۋن – قازفارم) 2014 جىلدىڭ شىلدە ايىندا ىسكە قوسىلدى جانە قازىرگى ۋاقىتتا قازاقستان رەسپۋبليكاسىنداعى فارماسيەۆتيكالىق ونىمدەردىڭ ءىرى ءوندىرۋشىسى بولىپ تابىلادى. وندىرىستىك نىساننىڭ قۇرىلىسىنا 7،5 ملرد تەڭگەدەن استام (شامامەن 37 500 000 ەۋرو) ينۆەستيسيا تارتىلدى، 40 000 م2 جەر تەلىمى ساتىپ الىندى، زاۋىتتىڭ وندىرىستىك قۋاتتىلىعىنىڭ جالپى اۋدانى 19 000 م2. ءوندىرىس ىشكى نارىقتى وتاندىق دارىلىك زاتتارمەن تولىق قامتاماسىز ەتۋگە مۇمكىندىك بەرەدى، يمپورتتى الماستىرۋ باعىتىندا دامىپ كەلەدى، سونداي-اق تمد ەلدەرىنە سىرتقى ساتۋ نارىقتارىنا شىعۋدا (رەسەي، وزبەكستان، تاجىكستان، قىرعىزستان).
«Kelun-Kazpharm» - ۇلكەن كولەمدەگى ينەكسيالىق ەرىتىندىلەر شىعاراتىن زاماناۋي فارماسيەۆتيكالىق كاسىپورىن، ءىرى كاسىپكەرلىك سۋبەكتىسى.
زاۋىت اۆتوماتتاندىرۋ دەڭگەيى جوعارى فارماسيەۆتيكالىق ونىمدەردى شىعاراتىن زاۋىتتار اراسىندا ورتالىق ازياداعى ەڭ ءىرى زاۋىت بولىپ تابىلادى. ءقازىر زاۋىتتا 350-دەن استام ادام جۇمىس ىستەيدى.
دوڭگەلەك ۇستەلدە پرەزيدەنتتىڭ كەڭەسشىسى، الماتى وبلىستىق اكىمشىلىگىنەن جانە «اتامەكەن» كاسىپكەرلەر پالاتاسىنان ارنايى وكىلدەر، مەملەكەتتىك مەكەمەلەردىڭ باسشىلارى، زيالى قاۋىم وكىلدەرى، كاسىپكەرلىك كومپانيالاردىڭ باسشىلارى: وتاربايەۆ مالىك نۇرجان ۇلى، وسپانوۆا باقىتجامال قايىربەك قىزى، ءومىرالى قوپابايەۆ، زايادان بولاتحان قازىحان ۇلى، زيابەك قابدۋلدينوۆ، دۋكەن ءماسىمحان ۇلى، ءنابيجان مۇقامەتحان ۇلى، بايعالي ەسەنالى، الماس احمەتبەك جانە دە وزگەدە بەلگىلى تۇلعالار جانە اقپارات سالاسىنىڭ وكىلدەرى بولادى.
ادىلەت احمەت ۇلى
