ءابدىعاني ءبازىلحان 1969 جىلى 2 اقپاندا قحر، ش ۇ ا ر توعىزتاراۋ اۋدانىندا دۇنيەگە كەلگەن. توعىزتاراۋ اۋداندىق №1 ورتا مەكتەپتى تامامداعان (1987). توعىزتاراۋ اۋداندىق كوركەمونەر ۇيىرمەسىنە قىزمەتكە قابىلدانعان (1990، اقپان.). ىلە وبلىستىق وقۋ-اعارتۋ ينيستيتۋتى كوركەمونەر فاكۋلتەتىنىڭ «بۇقارالىق مادەنيەتتى باسقارۋ جانە ءان ماماندىعى بويىنشا ءبىلىم تولىقتىرعان (1996-1998). شينجيان ۋنيۆەرسيتەتىنىڭ «تىل-ادەبيەت» ماماندىعىن سىرتتاي وقىپ، باكلاۆار اتاعىن قورعاعان. 1999 جىلدان باستاپ اۋداندىق مادەنيەت ءۇيىنىڭ بۇقارالىق مادەنيەتتى باسقارۋ كاسىبىمەن اينالىسقان.
1986 جىلدان بەرى قاراي توعىزتاراۋ اۋدانىنىڭ ءار كەزەكتى اقىندار ايتىسىنىڭ جىل سايىنعى باس جۇلدەگەرى.
ىلە ايماقتىق كاسىپتەن سىرتقى ءان بايقاۋىنىڭ باس جۇلدەگەرى (1989). «سولتۇستىك شينجيان مادەنيەت اپتالىعى» اقىندار ايتىسىنىڭ جۇلدەگەرى (1990). ىلە ايماعىنىڭ «ساحارا مادەنيەت اپتالىعى» اقىندار ايتىسىندا باس جۇلدە (1995)، ىلە ايماعى بويىنشا «تاڭداۋلى اقىندار» ايتىسىندا باس جۇلدە (1996)، قۇلجا قالاسىنىڭ 2 كەزەكتى اقىندار ايتىسىندا باس جۇلدە (1998)، قازاق وبلىسىنىڭ 12 كەزەكتى اقىندار ايتىسىندا ءىى-ورىن (1998)، ش ۇ ا ر تۇڭعىش كەزەكتى اقىندار ايتىسىندا باس جۇلدە (1999)، ىلە قازاق وبلىسىنىڭ 13 كەزەكتى اقىندار ايتىسىندا باس جۇلدە (2001) يەلەنگەن. گۋاڭجۋ قالاسىندا وتكىزىلگەن رەسپۋبليكالىق «شوق ءجۇلدىز» ونەر ساۋىتىنا تالاسۋ فەستيۆالىنا قاتىسىپ كۇمىس مەدالمەن ماراپاتتالاعان (2001).
ىلە قازاق وبلىسىنىڭ 14 كەزەكتى اقىندار ايتىسىندا ءى-ورىن (2004)، ش ۇ ا ر ەكىنشى كەزەكتى اقىندار ايتىسىندا ءىىى-ورىن (2005)، ىلە وبلىسىنا قاراستى اۋدان، قالالاردىڭ ەكىنشى كەزەكتى اقىندار ايتىسىندا باس جۇلدە (2006)، ىلە وبلىسىنىڭ 15 كەزەكتى اقىندار ايتىسىندا باس جۇلدە (2007) يەلەنىپ، وبلىسقا، شۇار-عا ەڭبەگى سىڭگەن ايگىلى اقىن اتاعىن العان. 100 گە جۋىق ولەڭ، تولعاۋ، داستان، حابار ماقالالارى جانە عىلمي ماقالالارى قىتايداعى ءتۇرلى باسىلىمداردان جارىق كورگەن. 30 دان اسا ءان، تەرمەلەرى راديو، تەلەديداردان ورىندالعان.
ىلە وبلىستىق جازۋشىلار قوعامىنىڭ مۇشەسى، شينجيان تاڭجارىق زەرتتەۋ قوعامىنىڭ مۇشەسى، ىلە قازاق وبلىسىنىڭ ادەبيەت-كوركەمونەر بىرلەستىگىنىڭ تۇراقتى جوراسى، اۋىز ادەبيەت قوعامىنىڭ ورىنباسار ءتوراعاسى قاتارلى مىندەتتەردى اتقارعان.
2004 جىلى ساۋىردەن باستاپ اتا مەكەنگە قونىس اۋدارعان. سودان بەرى بىرنەشە رەت رەسپۋبليكالىق اقىندار ايتىسىنا قاتىسقان. 2004 جىلى الماتى قالاسىندا وتكىزىلگەن «قازاق ادەبيەتى» گازەتىنىڭ 70 جىلدىعىنا ارنالعان رەسپۋبليكالىق اقىندار ايتىسىنا، 2005 جىلى تالدىقورعان قالاسىندا ءسۇيىنباي ارون ۇلىنىڭ 190 جىلدىق مەرەي تويىنا ارنالعان حالىقارالىق اقىندار ايتىسىنا، 2005 جىلى رايىمبەك باتىردىڭ 300 جىلدىق مەرەي تويىنا ارنالعان رەسپۋبليكالىق اقىندار ايتىسىنا. 2006 جىلى تاراز قالاسىندا وتكىزىلگەن ۇلبيكە حانكەلدى قىزىنىڭ 190 جىلدىق مەرەي تويىنا ارنالعان رەسپۋبليكالىق اقىندار ايتىستارىنا قاتىسىپ جۇلدەلى ورىنداردى ەنشىلەگەن.
شىمكەنت قالاسىندا وتكىزىلگەن رەسپۋبليكالىق شەشەندىك ونەر سايىسىندا ءىى-ورىن (2010)، اقسۋ اۋدانىنىڭ 80 جىلدىق مەرەيتويىنا ارنالعان رەسپۋبليكالىق ايتىستىڭ ءىىى-ورىن (2010) يەلەنگەن.
2005 جىلدان باستاپ الماتى وبلىسى رايىمبەك اۋدانى مادەنيەت ءۇيىنىڭ قىزمەتكەرى، ۇزىنبۇلاق اۋلىدىق مادەنيەت ءۇيىنىڭ ديەركتورى، 2008 جىلدىڭ قاڭتار ايىنان باستاپ الماتى وبلىسى تالعار اۋدانى نۇرا اۋىلىنىڭ مادەنيەت ءۇيىنىڭ ديرەكتورى بولىپ، اۋىل مادەنيەتىنىڭ دامۋىنا ۇلەس قوسىپ كەلەدى. 2012 جىلى تالعار اۋداندىق ماسليحاتىنىڭ دەپۋتاتى بولىپ سايلانعان. تالعار اۋدانىنداعى قىزمەتى بارىسىندا اۋدان اكىمى جانە وبلىس اكىمىنىڭ العىس حاتىمەن ماراپاتتالعان.
6alash ۇسىندى
