NUR-SULTAN, 2 qyrkúıek. Qazaqstan prezıdenti Qasym-Jomart Toqaev qazaq tilin ultaralyq qatynas tiline aınaldyrý úshin jumyla jumys júrgizýge shaqyrdy, dep habarlaıdy Sputnik Qazaqstan tilshisi.
"Elimizdegi etnıkalyq toptardyń tili men mádenıetin damytýǵa jaǵdaı jasaı beremiz. Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin. Biraq mundaı dárejege jetý úshin bárimiz dańǵaza jasamaı, jumyla jumys júrgizýimiz kerek", - dedi Toqaev joldaýynda.
Ol til úlken saıasattyń quraly ekenin de umytpaý qajet dedi.
"Belsendi azamattyq qoǵam qurý úshin úkimettik emes uıymdardyń bedelin arttyrý qajet dep sanaımyn. Sondyqtan jaqyn arada azamattyq qoǵamdy damytýdyń 2025 jylǵa deıingi tujyrymdamasyn ázirlep, qabyldaýymyz kerek", - dedi prezıdent.
