Súmbile – tamyzdyń sońy, qyrkúıektiń basy aralyǵyna paıda bolady. Qazaq halqy bul aıdyń alǵashqy jartysyn “Laq Súmbile”, ekinshi jartysyn “Teke Súmbile” dep ataıdy.
Tamyz aıynda Súmbileniń sýy júredi, sondyqtan da qazaqtar "Súmbileniń sýy júrip pe eken?" – dep suraıtyn bolǵan. Súmbile jańbyry bolyp ótken jerdiń kódesiniń túbi kók, malǵa ot bolady dep, jylqyny qysta sol jerge tebindetken.
Qazaqta "Súmbile týsa sý sýyr, Tarazy týsa tań sýyr" degen sóz bar. Iaǵnı, qyrkúıektiń sońǵy onkúndiginde kúz keledi. Jaýyn bastalady. Súmbile juldyzy týǵan shaqtan bastap ózen-kólderdiń sýy eptep salqyndaı bastaıdy. Súmbileniń aspanda kórinýi elimizde qystyń alǵashqy lebimen tuspa-tus keledi.
Súmbile týǵan soń sýda súlik óle bastaıdy. Jáne "Súmbile týsa sumpıyp, at toıynar quntıyp" degen sóz bar. Bul súmbile týýymen kún salqyndap, jylqy balasyna shybyn-shirkeısiz mezgil bastalatynyn, ásirese sýda súlik ólip, jylqylar jaqsy jaıyla bastaıtynynan bolsa kerek.
"Súmbile juldyzy týǵanda jarqyrap,
Qulynnyń úlesin bıeden tartyp ap.
El qymyz ishkeni,
Qazdardyń qaıtqany,
Sol qaıtqan qazdardan qys sálem aıtqany.
Jabyrqap qalǵany aqqýdyń qut kóli –
Jap-jasyl jaılaýdyń qyzyǵy bitkeni.
Kóteril, qypshaqtar,
Úı jyqsyn ul-qyzyń...
Qolynda óledi Súmbile juldyzy."
(Oljas Súleımenov, «Sen – meniń keıipkerimsiń», Qadyr Myrzalıev aýdarǵan).
"Ýıkıpedıa — ashyq ensıklopedıasynan alynǵan málimet"
6alash usynady
