Adam aǵzasynyń qyzmetin qalypta ustap otyrý úshin kúndelikti rasıonǵa jańǵaqtyń túr-túrin engizip otyrǵan jón, sebebi jańǵaqtar — mı, júıke jasýshalary men súıekterdiń qyzmeti úshin qajetti baǵaly qorek.
Tal jańǵaǵynyń quramynda A, S, RR, V tobynyń dárýmenderi, barlyq qajetti amın qyshqyldary, fosfor, kalıı, temir, magnıı, myrysh sıaqty mıneraldy elementter bar. Jańǵaqtar klechatkalarǵa baı jáne asqazannyń perıstaltıkasyna áser etedi. Olardy baýyr aýrýlarynda, aterosklerozda jáne keıbir júrek-qan-tamyr aýrýlarynda qoldanǵan durys. Budan basqa, gastrıtte qyshqyldy qalpyna keltiredi.
Mıdy qýattandyrady. Jańǵaqtyń quramyndaǵy beloktalızın men fosfatıd mı jasýshalaryn jandandyryp, júıke qýatyn joǵarlatady.
Holesterındi tómendetedi. Jańǵaq dániniń quramynda 65% maı bar. Ol adam denesindegi qan aınalysyn jaqsartýǵa kómektesedi.
Ótke baılanǵan tasty eritedi. Jańǵaq durys tamaqtanbaýdan ótke baılanatyn tastardy eritip, syrtqa yǵystyrady. Dárigerlerdiń aıtýynsha, ótine tas baılanǵan adamdar jańǵaqty únemi jep júrse, operasıa tósegine jatýynyń qajeti joq eken.
Terini ajarlandyrady. Jańǵaqtyń quramyndaǵy mol kálsı, fosfor, temir sıaqty mıkro elementter adam denesin túrli fermenttermen qamdaıdy. Munyń ishindegi E vıtamıni jasýsha bosaýynyń aldyn alady. Jańǵaqty laıyqty mólsherde jese, bet terisin ajarlandyryp, aǵartyp, maıdalylyǵyn, jyltyrlyǵyn arttyrady. Bosanýǵa jaqyndaǵan júkti áıelder kóbinese jańǵaq dánin jeý arqyly óz kelbetterin saqtaıdy.
