«Oı, dúnıe-aı» oıly týyndy...
«Oı, dúnıe-aı» oıly týyndy. Bulaı deıtinimiz, qazir oısyz, nársiz týyndy aram shópteı qaptap ketti. Oısyz týyndy, oısyz tyńdarman tárbıeleıdi. Óıtkeni, ónerdiń tálimdik qýaty eresen bolmaq. Al, myna, tolǵan aıdaı, túrt aıaǵyn teń salǵan jorǵadaı jańa týyndy «Oı, dúnıe-aı» tyńdarmanyn ásem sazdyń ırimine toǵyta otyryp, ýaqyt, ómir, adamdyq, kislik haqynda oılantady.
Pershtedeı bop ómir esigin ashatyn pende, shımaıǵa toly aq qaǵazdaı bolyp ómirden ótedi. «Bes kúndik jalǵan» dep ózderi túıindegen qysqa ǵumyrdyń kezeńin kim adaldyqpen asyp, kim kislkpen keshe aldy deısiz? ! mine, «Oı, dúnıe-aı»-tazalyqtyń týyndysy.
Ánniń óleńin jazǵan aqynymyz, keýdesinen jýsan ıisi burqyraǵan, tabıǵattyń arda kúreńi Ádilbek jákeı uly. Mýzikásin jazǵan, «Jan syrym», «Ájem-aý», «Dala sazy», «Qaıran jastyq» qatarly tanymal ánderdi avtory, sazger, tanymal dybys akteri bolat aqqý uly. Al, oryndaǵan, sáýirdiń maıda lebindeı qońyrdaýysty ánishi, Qazaq elindegi óner juldyzy saıat Medeov. Án shyǵa salsymen qazaq radıosnyń altyn qoryna jazyldy. Tórt turmany saı kelgen tamasha ánge jol bolsyn!
Qýanysh İLIAS
sózi: Ádilbek Jákeıuly
áni: Bolat Aqqýuly
oryndaǵan: Saıat Medeý
(Ánniń tolyq tekisi)
Oı, dúnıe-aı
Altynnan tamyr alsada,
Aǵashtyń túbi - tamyzdyq.
Atadan altaý týsa da,
Adamnyń túbi - jalǵyzdyq.
Qonaqpen tóri tozbaǵan.
Qaraý baı syndy deıdi ómir,
Jurtyna quzǵyn qonbaǵan,
Jarly ma deısiń keıde ómir.
Saýshylyq kúnge qulshylyq,
Aman da, deme jamanmyn.
Qundyzy qalmas qyrqylyp,
Jamandar alǵan jaǵańnyń.
Aqyldan jaraq taǵynsań,
Qastyqtyń qoly jetpeıdi.
Batadan saýyt jamylsań,
Qarǵystyń oǵy ótpeıdi.
Kóktemde ósken gúldermen,
Kúz jaıly kelmes keńeskiń.
Moladan alys júrgenmen,
Ajaldan alys emessiń.
Almastan soqqan aq semser,
Batyrdan qalsa tul bolar.
Otyrǵan oryny taqpen teń,
Baq taısa erde qul bolar.
Baılyqysyz ǵumyr bolar ma?
Alaldan bolsyn jıǵanyń.
Tańdaıda dámi qalar ma?
Eńbeksiz ósken mıýanyń.
Qańbaǵy ediń qaı mańnyń,
Ómirdi soqqan jel deıdi.
Qarshyǵa qanat Qaıran kún,
Qaırylyp qaıta kelmeıdi.
6alash usynady
