Elimizde sońǵy jyldary áleýmettik-ekonomıkalaq ózgeristermen qatar, saıası jaqtarda da úlken jańalyqtar, tyń betburystar baıqala bastady. Bıliktiń beıbit jolmen aýysýy, jańa prezıdenttiń bir qydyrý reformalaý júrgizýge kúsh salýy Qazaqstan qoǵamynyń jańa betalysqa baǵdar túzegenin ańǵartty desek, eldegi eleýli jańalyqtyń biri retinde Batys elderinde qalyptasqan saıası dástúr retinde qoldanylyp kele jatqan partıalyq praımerızdiń Qazaqstanda alǵash ret ótkizilgeli otyrǵanyn ataýǵa bolady.
Praımerız týraly elbasy N.Nazarbaev bıyl naýryz aıynda: «Praımerız – partıa atynan máselelerdi sheshetin eń belsendi jáne senimdi múshelerdi anyqtaýǵa múmkindik beretin durys sheshim dep sanaımyn»,- degen bolatyn. Osylaısha, halyqaralyq sahnada ábden moıyndalǵan partıaishilik irikteý tásilin elimizde alǵash ret «Nur-Otan» partıasy qoldanysqa engizdi. Qazaqstandaǵy kóshbasshy partıanyń jańa ári batyl qadamy qoǵamda úlken qoldaý tapty. Sebebi bul ár sala, ár kásiptiń mamandarynyń halyqqa, qoǵamǵa qyzmet óteýdegi óz múmkindigin kórsetýge berilgen úlken oraı boldy. Óıtkeni praımerız arqyly partıada bilek sybana iske kirisetin belsendiler irikteledi. Praımerız el ómirine eleýli serpilis ákelip qana qoımaı, halyqpen betpe-bet jumys isteýge qabiletti jańa tolqynyn saıasat sahnasyna shyǵaratyn izashar bastama.
«Nur-Otan» partıasynyń deregine súıensek, osy retki irikteýge tirkelgenderdiń 40 paıyzǵa jýyǵyn áıelder ustasa, 30 paıyzǵa jýyǵyn 35-ke deıingi jastar ıelenedi eken. Mine, budan praımerızdiń áıelder men jastarǵa da úlken múmkindik beretin ańǵarýǵa bolady. Onyń ústine, halyq ta el ómirindegi atalǵan saıası bastamaǵa eleńdep otyr. Olar ózderi senim artatyn, Qazaqstan qoǵamyna tyń ózgerister ákelýge qabilet-qarymy jetedi deıtin bilikti azamattardyń osy dodadan jeńip shyǵýyn úmit etedi. Osy qatarda biz de óz úmitkerimizge tileýles bolyp, qoldaý bildirýdemiz.
Bizdiń úmitkerimiz –«Turan-Astana» ýnıversıtetiniń rektory, ekonomıka ǵylymdarynyń kandıdaty, profesor Gúljamal Álkenqyzy Japarova. Eńbek jolyn oqytýshylyqtan bastap, «Turan-Astana» ýnıversıtetiniń rektoryna deıin kóterilgen Gúljamal Álkenqyzyn biz óz isiniń bilgiri, bilikti basshy, eline adal eńbek etip kele jatqan naǵyz ultjandy qazaq qyzy retinde tanımyz. Onyń basqarýyndaǵy bilim ordasynyń qurylǵanyna20 jyldan astam ýaqyt bolǵan,«Turan-Astana» ýnıversıteti jyl saıyn básekege qabiletti mamandardy daıarlap, bilim salasyna úlesin qosyp keledi. Atalǵanoqý orny respýblıkalyq reıtıńterden de udaıy birneshe jyl boıy aldyńǵy 10 ýnıversıtettiń qatarynda keledi.
Úmitkerdiń usynyp otyrǵan baǵdarlamasy da eli men jeriniń kórkeıýin qalaıtyn ár azamattyń kókeıine qonady, kóńilinen shyǵady. Sebebi profesor G.Á.Japarova bilim jáne ǵylym salasynyń qyzmetkerleriniń jalaqysyn arttyrý, mártebesin kóterý, qala turǵyndarynyń áleýmettik máselelerin sheshýdiń ońtaıly joldaryn usynady.
Óziniń saılaý aldy baǵdarlamasynda, eń áýeli, jalaqysy tómen jáne ortasha kólemdegi jumys isteıtin halyq memlekettik basqarý, bilim berý, densaýlyq saqtaý jáne áleýmettik qyzmetter salalarynda shoǵyrlanǵanyn alǵa tartqan profesor G.Á.Japarova ortasha jáne ortadan tómen jalaqy arasynda aıtarlyqtaı alshaqtyq baryn, eńbekaqy tóleý deńgeıiniń tómendigi joǵary oqý oryndarynyń ǵylymı-pedagogıkalaq qyzmetkerleri bedeliniń túsýine, kadrlyq áleýettiń «shaıylýyna», bilim berýdiń sapasy men básekege qabilettiliginiń nasharlaýyna alyp keletinin atap kórsetip, onyń sheshýjoldarynkórsetedi. Bizdiń oıymyzsha, G.Á.Japarova osy oraıda elimizdegi barlyq ustazdardyń ózekti máselesin kóterip otyr.
Ustaz – adam janynyń ınjeneri. Ustaz urpaqty tárbıelese, urpaq – ulttyustaıtyn ýyq. Endeshe, ýyqtyń ózegine daq túspesin desek, ustazdardyń bilimi men biliktiligine, sondaı-aq olardyń eńbeginiń óteýine de basa nazar aýdarýdyń mańyzy zor. Memleket basshysy Qasym-Jomart Toqaev óz joldaýynda keler jyly qańtar aıynan bastap ustazdardyń jalaqysyn 25 paıyzǵa deıin kóterýdi tapsyrdy. Bul – ustazdar úshin, árıne, qýanarlyq jańalyq. Alaıda, bilim salasynda budan basqada túıitkildi máseleler az emes. Ony sheshýge bilikti basshy, bilim berý salasyna shynaıy kúıinetin azamattar kerek. Úmitker G.Á.Japarova osy talaptyń údesinen súrinbeı shyǵady.
«Turan-Astana» ýnıversıtetiniń rektory G.Á.Japarovanyń basqa úmitkerlerge uqsamaıtyn taǵy bir baǵdarlamasy bilim ekonomıkasy sektorlaryn damytý. Shynyn aıtý kerek, bas qalamyz Nur-Sultanda bul salanyń damýy kóńil kónshiterlik deńgeıde emes. Máselen, aqyldy jáne tehnologıalyq óndirister sektorynyń kólemi Nur-Sultan qalasynda JQQ-nyń (jalpy qosylǵan qunnyń) 1%-yn jáne jumyspen qamtylǵandardyń jalpy sanynyń 1,5%-yn quraıdy. AKT salasy Nur-Sultan qalasynyń jalpy óńirlik ónimniń 5%-yn alady, bul Almatyǵa qaraǵanda 3 ese az. Mine, osy kórsetkishterdi alǵa tartqan Gúljamal Álkenqyzy sheteldik tabysty tájirıbelerdi eskere otyryp, bilim berý baǵdarlamalaryn jańartý jáne ınovasıalyq bıznes jobalarmen ıntegrasıalaý, áleýetti sheteldik ınvestorlarmen qala ákimshiliginiń bıznes kommýnıkasıalaryn jolǵa qoıý, qala brendin jyljytý baǵdarlamasyn qabyldaý bastamasyn kóterip otyr.
Qysqasy, Gúljamal Álkenqyzy Japarova sózi men isi saı keletin, aıtqan ýádesin oryndaıtyn, óz kásibiniń bilikti mamany. Eger usynyp otyrǵan úmitkerimiz praımerızden ótip, erteńgi kúni el isine aralasýyna múmkindik berilip jatsa, halyq basa nazar aýdaryp otyrǵan bilim salasyna aıanbaı ter tógetini anyq. Endeshe, bilim salasynyń bilikti mamany G.Á.Japarovany sizder de qoldap daýys berińizder, qoldańyzdar!
Jazıra Iskakova
6alash usynady
