Adamnyń keýdesin kerip júrgenimen keýdesin ıip júrgeni tek dene áreket formasy ǵana emes. Ol bir túrli ómirge degen pozısıa. Keýdeńdi asyra kótere berseń, eshkim mańyńa jolamaýy múmkin, keýdeńdi asyra ıe berseń, basqalar kózge ilmeýi de yqtımal. Eger kemeldi adam bolǵyń kelse, keýdeńdi qaı kezde qalaı ustaýdy bilip al. Basyńa qıyndyq týsa keýdeńdi kóter, batyrlyq pen qaısarlyq degen sol. Al oılaǵanyń iske asyp, tabysqa tabandap bolsa da jaqyndaǵan saıyn keýdeńdi ıe tús. Tektilik degen sol.
***
Bul ómirde múlde túzý jol joq, múlde durys talǵam da joq. Biz tek qulshyný arqyly talǵamymyzdyń durystyǵyn dáleldep shyǵamyz. Eger bir qyz (nemese jigit) sizge qaramaı qoıdy. Soǵan bola aqylsyz sheshim qabyldap, ózińizdi jaralasańyz, sonyń talǵamyn durysqa shyǵarǵan bolasyz. Al, kerisinshe ony ókindirý úshin qulshynsańyz, sheshimińizdiń óte durys bolǵanyn kúnder óte kele sezinesiz. Ómir degenimiz beıne ABCD-ny tańdaý. Tek emtıhandaǵydaı tańdaýmen ǵana jumys bite salmaıdy. Ómirde talǵam jasalǵan soń baǵyttamaly qulshynys bastalady.
***
Dúnıede eń qymbatty eki aýyz sóz bar. Biri muqıattylyq, ekinshisi tabandylyq. Birinshisimen ózińdi ózgertesiń, ekinshisimen dúnıeni ózgertesiń. Dúnıedegi eń jumsaq nárse bir tamshy sý ǵoı, biraq tabandylyqpen tama berse, sol tamshylar tastyń ózin tesip ketedi.
***
Adam ómirinde eki túrli azap bolady. Bir túri qulshynýdyń azaby, ekinshi túri ókinishtiń azaby. Biraq, ekinishisi aldyńǵysyna qaraǵanda neshe myń ese aýyr.
Qulshynǵan jeter muratqa! Dúnıedegi qıyn ister «Meniń qolymnan keledi» degen sózdiń arqasynda istelgen. Eger osy sózdi qaıtalaı júrip qulshynsań, on jyldan keıin qazirgi ózińe qatty alǵys aıtar ediń.
***
Sen únemi tabysqa jetýdi oılaısyń, álde bir mýzyka aspabyn úırengiń keledi, shetel tilin meńgergiń keledi, jeke kásip jaratqyń keledi, biraq áli kúnge keshiktirýmen kelesiń.
Shyndyǵynda ýaqyt joq pa?!
Shyndyǵynda sonshalyq múmkindigimiz jar bermeı me?!
Bizden de qarapaıym otbasyda týylyp dúnıege áıgili bolǵandar barshylyq qoı…
Sonda bizge ne tusaý bola beredi?!
Sóıtsek biz tek oıdyń adamy ekenbiz. Oılaımyz biraq naqtyly iske kirispeımiz. Ýaqyt uzara kele kirispegen armannyń barlyǵy jel úıirgen japyraqtaı topyraqqa sińip tozyp joǵala beredi.
Sondyqtan siz qazir bir ǵana is isteýge tıstisiz, ol táýekel etip birinshi qadamdy attaý.
Tabaldyryqtan attańyz, tabaldyryqtan bıik taý joq, odan asqan soń jol ózi jeteleıdi.
Yqylas ORAZBAI
6alash usynady
