Balasynyń boıynyń alasalyǵyna kóptegen ata-analar mán bermeıdi. «Keıin ósip ketedi» dep nemquraıdy qaraıdy. Naǵynda balanyń boıynyń ósý mezgili 14 jastan buryn ekenin baıqaǵan ǵalymdar, osy mezgilde balalar sútti kóp ishse, boıshań bolady degen tujyrymǵa kelgen.
Boıdyń bıik-alasalyǵy adamnyń dene sapasynyń syrtqy ólshemi ǵana emes, jumysqa ornalasý, nekelený isterine de belgili dárejede yqpal jasaıtyn túıinderdiń biri. Sondyqtan ata-analar bul máseleni eleýsiz qaldyrmaı, balalaryn ǵylymyı azyqtandyrǵany jón.
Boıdyń bıik-alasalyǵy tuqym qýalaýmen, jasaǵan ortasymen, azyqtanýymen tikeleı qatysty. 14 jasatan ilgeri balalardyń býyndary tolyq qataıa qoımaǵandyqtan, boıynyń ósý múmkindigi zor bolady. Jurttyń kóbi balalardyń boıynyń bıik-alasalyǵyn kalsıdyń kóp-azdyǵymen baılanystyrady, bul durys uǵym emes. Boıdyń alasa bolýy kalsıdyń kemdigi emes, kerisinshe D dárýmeniniń kemdigimen qatysty.
Bala boıynyń alasa bop qalýynan saqtaný úshin aldymen, bala uıqysy qanyp uıyqtaýy kerek. Sebebi boı ósiretin gormonnyń bólinip shyǵatyn mezgili ár kúni keshki saǵat 9 dan, tańǵy 5 aralyǵy. Osy mezgilde balanyń uıqysy qanyp, jaqsy dem alsa, boı ósiretin gormonnyń kóp mólsherde bólinip shyǵýna túrtki bolady. Sonymen qatar, joǵaryda aıtqanymyzdaı, súttiń boı ósirýge kómegi kóp. Boıy alasa balalar táńerteń, kesh bir shyny sút iship tursa, boıynyń tez ósýine paıdaly. Sportpen shuǵyldaný da bala boıynyń ósýine oń áserin tıgizedi.
6alash usynady
