Tabıǵattan týyp, tal besik terbetken tátti áýen
Ánshi, sazger Ermantaı Núsipuly 1964.2.15 Qytaı Shyńjań ólkesi Altaı aımaǵy Býryltoǵaı aýdany Qaramaǵaı aýylyynda týǵan. Ortalaý mektep bitirgennen keıin ata kásibi shopandyq jolyna túsken Ermantaı 1986 jyldan bastap, syrnaıly ózen, taý samalyndaı tamasha ánderin shyǵara bastaǵan.
Aýyl, aýdandardyń túrli sharalaryna qatynasa júrip, aımaqtyq oblystyq aqyndar aıtysynda jarystarda týyndylarymen júldeni jeńip alyp, ánshi, sazger atanǵan. Býyryltoǵaı aýdandyq saıasyı keńes múshesi bolǵan.
Altaı aımaqtyq beızattyq mádenı mura qorǵaý mekemesi jaǵynan qazaq ultynyń halyq ánderiniń ýákildik murageri ataǵyn alǵan. Shyńjań ólkesindegi qazaq halyq ánderiniń beızattyq murageri.
2017 jyly otbasymen ata jurtqa qonys aýdarǵan. Qazir shyǵys Qazaqstan obylysy Tarbaǵataı Úrjar aýdanynda turady.
İnisi Murat Núsipulynyń sózine jazylǵan ánderi: «Qazaqtyń sol qyzdary-aı», «Analar-aı», «Qazaǵymnyń ánderi-aı», «Yrǵaıly saı», «Qaıran jer», Toqtaǵan Kókeıulynyń sózine jazylǵan: «Qaraǵym-aı», «Baǵym-aý seni izdeımin», Gúlden Múlikqyzynyń sózine jazylǵan: «Kelesiń qashan», Qınashken Qamzınniń sózine jazylǵan «Qustar qaıtyp kelgende», Qymbat Tútekeulynyń sózine jazylǵan: «Aýyldyń syrly áni», Ójet Dálelhanulynyń sózine jazylǵan «Gúl dáýren» qatarly 30 neshe án bar.
Ermantaı ánderin oryndap keń taratqan, qytaı qazaǵynan shyqqan áıgili termeshi marqum Ásemhan Ǵıbadatqyzy bolatyn. Sazgerdiń týyndylary aýdan, aımaq, obylys, ólkedegi úlken konsert keshterinde oryndalyp asa keń tarap, halyqtyń ystyq yqlasyna bólendi.
«Qazaqtyń sol qyzdary-aı»
Oryndaǵan: "Dos óner" toby
«Analar-aı»
Oryndaǵan: Ásemhan Ǵıbadatqyzy
«Qazaǵymnyń ánder-aı»
Oryndaǵan: Ásemhan Ǵıbadatqyzy
Qýanysh İLIASULY
6alash usynady
