ۇيالى تەلەفوندى قالتارىستا قولدانۋ رادياسيا قۋاتىنىڭ ارتۋىنا سەبەپ بولادى.
كوبىنەسە ادامدار تەلەفوندا جاسىرىن سويلەسۋگە تۋرا كەلگەندە، جۇرت كوزىنەن تاسا ورىنداردى تاڭدايدى. اسىرەسە، عيماراتتاردىڭ بۇرىشى، باسپالداق جانە ليفت سياقتى جابىق ورىنداردا تەلەفوننىڭ سيگنالى ءالسىز بولاتىندىقتان، رادياسيا قۋاتى ارتا تۇسەدى.
تەلەفونمەن سويلەسكەندە ءبىر ورىندا تۇرماۋ جانە ءجۇرىپ كەلە جاتىپ تەلەفون قابىلداۋ سيگنالدىڭ وزگەرىسىنە اسەر ەتەدى.
ۇيالى تەلەفونمەن ءبىر ورىندا قوزعالماي تۇرىپ سويلەسكەن ابزال. ويتكەنى، ادام قوزعالىسىنا قاراي تەلەفون سيگنالى دا ءارتۇرلى بولاتىندىقتان، رادياسيا قۋاتى دا ارتا تۇسەدى.
تەلەفوندى قارسى جاق قابىلداعان سوڭ عانا قۇلاققا جاقىنداتۋ كەرەك.
ۇيالى تەلەفون ءالى جالعانا قويماعان كەزدە رادياسياسى وتە كۇشتى بولاتىندىقتان، قارسى جاق تەلەفوندى قابىلداعانشا كۇتىڭىز.
ۇيالى تەلەفوننىڭ سيگنالى ءالسىز بولعان سايىن قۇلاققا جاقىنداتا ۇستاۋ رادياسيانىڭ ميعا اسەرىن ارتتىرا تۇسەدى.
كوپ كىسىلەر تەلەفون دۇرىس ەستىلمەگەن سايىن قۇلاققا جاقىنداتىپ ۇستايدى. سيگنال السىرەگەندە تەلەفوننىڭ ەلەكتروماگنيتتىك تولقىندارى كۇشەيەتىندىكتەن، رادياسيا مولشەرى دە ەسەلەنە بەرەدى.
ۇيالى تەلەفوندى قالتاعا سالىپ نەمەسە مويىنعا، بەلگە تاعىپ ءجۇرۋ ادام اعزاسىنا زيان.
تەلەفوندى جاقىن ۇستاۋ رادياسيانىڭ ادام دەنەسىنە ءسىڭۋىن ارتتىرا تۇسەتىندىكتەن ونى سومكەگە سالىپ جۇرگەن ءجون. اسىرەسە، جۇرەگى ءالسىز كىسىلەر تەلەفوندى ءتوس قالتاعا سالماعانى دۇرىس. ال، تەلەفوندى بەلگە بايلاۋ كوبەيۋ جۇيەسىنە كەرى اسەرىن تيگىزەدى.
ۇيالى تەلەفوندى ۇزاق ۋاقىت ءبىر قۇلاقپەن تىڭداۋ ميعا كەرى اسەر ەتەدى.
ۇزاق ۋاقىت ۇيالى تەلەفونمەن سويلەسۋگە تۋرا كەلگەن جاعدايدا ەكى مينۋت سايىن ەكى قۇلاققا كەزەك اۋىستىرىپ تىڭداۋ نەمەسە قۇلاققاپ قولدانعان دۇرىس.
تەلەفوندى يىق پەن قۇلاققا قىسىپ سويلەسۋ يشەميالىق ينسۋلتقا اكەپ سوقتىرۋى مۇمكىن.
ادامدار قولى بوساماعان جاعدايدا تەلەفوندى يىق پەن قۇلاقتىڭ ورتاسىنا قىسىپ سويلەسۋدى ادەتكە اينالدىرعان. بۇنداي ارەكەت ميعا قاننىڭ دۇرىس بارماۋىنان يشەميالىق ينسۋلتقا شالدىقتىرادى جانە مويىن ومىرتقاسىن دا زاقىمدايدى.
6alash ۇسىنادى
