قانات يسلام ۇلى (13 قىركۇيەك 1984 جىل، شىڭجاڭ، جۇڭگو) — قازاق كاسىپقوي بوكسشىسى، WBA FedeCaribe تۇجىرىمىنىڭ چەمپيونى. ياعني، قانات يسلام ورتاشا جەڭىل سالماق بويىنشا كاريب ايماعىنىڭ ۇزدىگى. اۋەسقوي بوكسشى رەتىندە جۇڭگو حالىق رەسپۋبليكاسى ۇلتتىق قۇراما كومانداسىنىڭ قۇرامىندا پەكين وليمپياداسىنىڭ قولا جۇلدەگەرى، چيكاگودا وتكەن الەم چەمپيوناتىنىڭ (2007) جانە ازيا ويىندارىنىڭ (2006) قولا جۇلدەگەرى. قىتايدىڭ 10 دۇركىن چەمپيونى. ۇلتى - قازاق. 2010 جىلى ازاماتتىعىن اۋىستىرىپ، اتامەكەنى قازاقستانعا كوشىپ كەلىپ "استانا ارلاندارى" كاسىبي كلۋبىنىڭ مۇشەسى بولىپ 2012 جىلعا دەيىن ونەر كورسەتكەن. ءقازىر كاسىپقوي بوكسشى، نەلسون پروموۋتەرلىك كلۋب اتىنان شىعىپ 12 جەكپە جەك وتكىزىپ ونىن نوكاۋتپەن جەڭىسكە جەتكەن. لاقاپ اتى - قازاق.
ءۇرىمشى قالاسىنداعى پەداگوگيكالىق ۋنيۆەرسيتەتتى 2009 جىلى ءتامامدادى. سپورتتى باسقارۋ جانە زەرتتەۋ مامانى.
قاناتتىڭ لوندون وليمپياداسىنا قاتىسۋىنا جۇڭگو تاراپى قارسىلىق كورسەتتى. ايبا بۇل ماسەلەنى قاراستىرىپ، قاناتقا قازاقستان اتىنان سايىسقا تۇسۋگە رۇقسات بەردى. الايدا قانات ۇلتتىق قۇراما كوماندانىڭ باپكەرلەرىنىڭ تاراپىنان قولداۋ تاپپادى. لوندون وليمپياداسىنا قاتىسا المادى. ءوزىنىڭ بوكستاعى ءومىرىن كاسىبي بوكسپەن بايلانىستىرۋدا. اقش پروموۋتەرلەرىنەن دە بىرنەشە شاقىرتۋ العاندىعىن حابارلادى.
قاناتتىڭ اتامەكەنگە ورالۋىنا قازاقستان قۇراما كومانداسىنىڭ بۇرىنعى باس باپكەرى تۇرسىنعالي ەدىلوۆ جانە الماتى وبلىسىنىڭ اۋەسقوي بوكس فەدەراسياسىنىڭ پرەزيدەنتى باۋىرجان وسپانوۆ سەبەپشى بولعان.
قازىرگى تاڭدا: WBA بويىنشا 1- ورىن، IBF بويىنشا 3- ورىن، WBO بويىنشا 2- ورىن، ال جالپى ەسەپ BoxRec رەيتنيگى بويىنشا 35 ورىندا تۇراقتاعان.
قانات 2012 جىلى ارلاندار ساپىنان كەتىپ قىركۇيەكتە اقش-تىڭ «Nelsons» اتتى پروموۋتەرلىك كومپانيامەن ەكى جىلعا كەلىسىم-شارتقا وتىرعان. 15 جەكپە-جەكتە تۇگەلدەي اياقتاپ جەڭىسكە جەتتى: قازاق بوكسشىسى وسىعان دەيىن دومينيكان رەسپۋبليكاسىنىڭ بەس بوكسشىسىمەن كەزدەسىپ، بارلىعىن نوكاۋتپەن جەڭگەن.
- دانيەد ۆەاتون – دومينيكان رەسپ. (لا-رامانو قالاسى، 28 قىركۇيەك)،
- انەيدي ماترەس – دومينيكان رەسپ. (2 قازان)،
- مودەستو فەليكس – دومينيكان رەسپ. (سانتو-دومينگو، قازاننىڭ 18ء-ى)،
- نەلسيدو ميگۋەل – دومينيكان رەسپ. (نوكاۋتپەن، 29 قازان)،
- حوسە انتونيو رودريگەس – دومينيكان رەسپ. (ءۇشىنشى راۋندتا توقتاتىلىپ نوكاۋتپەن، قاراشانىڭ 10-ى)،
- سەگۋندا حەررەرا – كولۋمبيا (ەكىنشى راۋندتا جەڭدى، بوگوتا، قاراشانىڭ 24ء-ى)،
- رەينالدو ەسكۋيۆيا – كولۋمبيا (التىنشى راۋندتا تازا جەڭىس، پۋەرتو-كولۋمبيا، جەلتوقساننىڭ 3)،
- حۋمبەرتو تولەدو – ەكۆادور (ءبىرىنشى راۋندتىڭ 32 cەكۋندتىندا ەسىنەن تاندىرىپ تازا جەڭىس، پۋەرتو-كولۋمبيا، جەلتوقساننىڭ 16)،
- الەكسيس مارتينەس – (ەكىنشى راۋندتا تازا جەڭىس، اقش، ماييامي، ءساۋىردىڭ.
مايامي قالاسىندا جاتتىعادى. قانات يسلام ءقازىر دۇنيەجۇزىلىك بوكس كەڭەسىنىڭ (WBC) ەرەجەسى بويىنشا الەم چەمپيونى اتاعىنا تالاسۋعا مۇمكىندىگى بار. WBC ەرەجەسىنە سايكەس قاناتقا رەيتينگى جوعارى 40 بوكسشىدان وزۋ ءۇشىن بارلىق جەكپە-جەكتەرىندە جەڭىسكە جەتۋ كەرەك.
ۇزدىك 15ء-تىڭ ساپىنا كىرگەن جاعدايدا جارتىلاي ورتا سالماقتاعى قازىرگى الەم چەمپيونى "جەڭىلمەيتىن قابىلان" دەگەن لاقاپ اتى بار اقش بوكسشىسى فلويد مەيۋەزەرمەن (43 جەكپە-جەك، 43 جەڭىس) كەزدەسۋى مۇمكىن. WBO رەيتينگىنە ءىلىنىپ، ۇزدىك 15ء-تىڭ قاتارىنا ىلىنبەسە، مەيۋەزەر ونىڭ جەكپە-جەككە شىعۋ تۋرالى ۇسىنىسىن قابىلدامايدى. ال اقش بوكسشىسىن جەڭسە، كاسىپقوي بوكستىڭ ەرەجەسى بويىنشا قانات يسلام الەم چەمپيونى اتانادى.قانات يسلام جەتىنشى جولى كولۋمبيالىقتى جەڭدى بيىلعى جىلى ياعن 2019 جىلدىڭ 5- شىلدەسىندە قازاق ەلىندە وتكەن جەكپە جەگىندە قارسىلاسىن 14 سەكۋندتا سۇلاتىپ سالىپ WBO Inter-Continental sper welterweight تيتۋلىن جەڭىپ الدى.[2]بۇعان دەيىن بوكس پاتشاسى اتانعان مايك تايسون قارسىلاسىن 13 سەكۋندتتا قۇلاتقان ەكەن،بۇلدا قازاق ءۇشىن اسا ۇلكەن بەدەل مەن جەڭىستىڭ ءبىرى بولماق.
