ءجانابىل سىماعۇلۇلىنا
اتتان تۇسكەن، ۇزەڭگىدەن تۇسپەگەن،
عۇمىرى بويى ەلىم دەگەن، ىستەگەن.
اقىل، ايلا، پاراساتپەن ەل باستاپ،
ادىستەگەن، كۇشتەر كەزدە كۇشتەگەن!
ءبىر جانابىل تۋمادى-اۋ دەپ ءبار قازاق،
ەسەم كەتكەن شاقتاردا اتتەڭ، تىستەنەم.
زامانىمدا ارىستار از، الىپ تا،
جاكەڭ جايلى اڭىز ەستىپ، تۇس كورەم.
قۋانىش ءىليااس ۇلى
20 .05 .2017
"ەل اعا" كۇيى
اۆتورى جانە ورىنداعان: قىزىربەك جاناسىل ۇلى
جۇڭگو قازاقتارىنان شىققان كورنەكتى قوعام قايراتكەرى، تاڭداۋلى قارت كوممۋنيس، حالقىنىڭ قالاۋلى ۇلى، ەل اعاسى ءجانابىل سىماعۇل ۇلى 1934 جىلى ءساۋىر ايىندا التاي ايماعى قابا اۋدانىندا دۇنيەگە كەلگەن، 1951 جىلى قىزمەتكە قاتىناسقان، 1953 جىلى تامىز ايىندا جۇڭگو كوممۋنيستىك پارتياسىنا مۇشە بولىپ قابىلدانعان. تولىق كۋرس ماعۇلىماتىنا يە، شينجياڭ ۇيعۇر اۆتونوميالى رايونىنىڭ ورىنباسار ءتوراعاسى، شينجياڭ ۇيعۇر اۆتونوميالى رايوندىق پارتيا كوميتەتىنىڭ تۇراقتى مۇشەسى، ورىنباسار شۋجيى، ورىنباسار شۋجيى، شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى سىندى مىندەتتەر وتەگەن.
ءجانابىل سىماعۇل ۇلى پەنسياعا شىققاننان كەيىن دە حالقىنىڭ جۇرەگىندە سول باياعى كىشىپەيىل، نار تۇلعالى ەل اعالىق سيپاتىمەن قالا بەردى. 2020 جىلى ءساۋىر ايىندا ءجانابىل اعا 86 جاسقا تولدى. ءجانابىل اعانىڭ 86 جاسقا تولعان قۇرمەتىنە «ەل اعا» دەگەن كۇيىمدى ارنايمىن.
قىزىربەك جاناسىل ۇلى
6alash ۇسىنادى
