باقىتبەك ءاشىمحان ۇلى
جۇڭگو فوتو سۋرەت قوعامىنىڭ مۇشەسى، جۇڭگو ەتنوگرافيا فوتو سۋرەت قوعامىنىڭ ماگيسترى، شينحۋا اگەنتىگىنىڭ ۇسىنىس ەتىلگەن ءتىلشىسى، جۇڭگو فوتو سۋرەت اۆتورلىق ۇقىق قوعامىنىڭ مۇشەسى، جۇڭگو حالىقارالىق فوتو سۋرەت قوعامىنىڭ مۇشەسى، ChinaPAS قوعامىنىڭ مۇشەسى، شينجياڭ فوتو سۋرەت قوعامىنىڭ مۇشەسى، ىلە قازاق اۆتونوميالى وبلىسى فوتو سۋرەت قوعامىنىڭ مۇشەسى، التاي ايماقتىق فوتو سۋرت قوعامىنىڭ ورىنباسار ءتوراعاسى، بۋىرشىن اۋداندىق فوتو سۋرەت قوعامىنىڭ ءتوراعاسى.
جۇڭگو، شىڭجاڭ، التاي ايماعى بۋىرشىن اۋدانى ەمەگەيتى – شاجاعايتى جايلاۋى، ارال جايلاۋى، ورمەگەيتى جايلاۋى ت.ب. التاي تاۋلارىنداعى جەتى ۇلكەن جايلاۋدىڭ ءبىرى سانالادى. تەڭىز دەڭگەيىنەن بيىكتىگى 1300-3500 مەتىر. «ەمەگەيتى» اتاۋى تەگىندە «ءتورت تۇلىكتىڭ ءتولى ەنەسىن ەمبەيدى» دەگەن سوزدەن شىققانى ايتىلادى. بالاق تاۋلارىنىڭ ءشوبى ۇزىن بالاۋسا كەلسە، بيىك تاۋلارىنىڭ ءشوبى سىرىك، قىسقا بولعاندىقتان جۇعىمدى كەلەدى. مال تۇلىكتەرى ەمەگەيتى جايلاۋىنا ىلىنگەن سوڭ-اق تولدەرى ەنەسىن ەمبەيدى. ورىستەن قايتقان قوي-ەشكىنىڭ، سيىرلاردىڭ، تۇيە-بيەلەردىڭ ەمشەگىنەن ءسۇت اعىپ تۇرادى. كەيىن جۇرت اۋزىنداعى «ءتول ەنەسىن ەمبەيدى» دەگەن ءسوز «ەمەگەيتى» اتاۋىنا وزگەرىپ كەتكەن ەكەن. ەمەگەيتى جايلاۋى − قوم مەن قاناس كورىنىس رايوننىڭ ورتاسىنداعى بيىك تاۋلى القاپ. مەن وسى ءبىر قاسيەتتى جايلاۋدىڭ كۇزگى كورىنىسىن، ونداعى مالشىلاردىڭ تۇرمىس تىرشىلىگىن، كوشى-قونىن سۋرەتكە ءتۇسىردىم...
6alash ۇسىنادى
