قاينار قايساناي ۇلى. بايان-ولگەي ايماعىنىڭ دەنە شىنىقتىرۋ، سپورت باسقارماسىنىڭ باستىعى

قاينار قايساناي ۇلى – بايان-ولگەي ايماعىنىڭ دەنە شىنىقتىرۋ، سپورت باسقارماسىنىڭ باستىعى، موڭعول ەلىنىڭ سپورت شەبەرى، حالىقارلىق بوكس قاۋىمداستىعىنىڭ /AIBA/ 1 جۇلدىزدى باپكەرى.

قاينار قايساناي ۇلى – 1980 جىلى بايان-ولگەي ايماعىنىڭ ولگەي قالاسىندا دۇنيەگە كەلگەن. 1987-1997 جىلى ولگەي قالاسىنىڭ 4 ورتا مەكتەبىن، 1997-2001 جىلدارى ۋلاانبااتار قالاسىنداعى موڭعولدىڭ ۇلتتىق فەدوگوگيكالىق ۋنيۆيرسيتەتىن «دەنە شىنىقتىرۋ» ءمۇعالىمى ماماندىعى بويىنشا ءتامامداپ، 2011-2013 جىلدارى ۋلاانبااتار قالاسىنداعى ۇلتتىق دەنە شىنىقتىرۋ ۋنيۆەرسيتەتىنەن ماگيسترانتۋرا، 2015-2018 جىلدارى ۋلاانبااتار-ەردەم جوعارعى مەكتەبىنەن «قۇقىق تانۋىشى» ماماندىعىن بىتىرگەن.

ەڭبەك جولىن 2001-2002 جىلى بايان-ولگيي ايماعىنداعى «مۇعالىمدەر كوللەجىندە» فيزكۋلتۋرا وقىتۋشىسى بولىپ باستاپ، 2002-2013 جىلدارى ايماقتىق دشسب-دا بوكس باپكەرى، 2013-2014 جىلى ايماقتىق مادەنيەت جانە سپورت تۋريزم باسقارماسىنىڭ باسشىسى، 2015 جىلدان قازىرگە دەيىن ايماقتىق دشسب-ىڭ باسشىسى بولىپ قىزمەت اتقارىپ كەلەدى.

قاينار قايساناي ۇلى بوكس باپكەرى بولىپ قىزمەت جاساعان ۋاقىتتاردا ونىڭ باپتاعان شاكىرتتەرى ءجاسوسپىرىم، جاستار ەرەسەكتەر اراسىنداعى موڭعوليا ەلىنىڭ بىرىنشلىگىندە، حالىقارالىق جارىستاردا، ازيا، الەمدىك دەڭگەيدەگى باسكەلەردە توپ جارىپ الدىڭعى قاتارلاردان كورىندى.

بۇل ۋاقىتتاردا قاينار باپتاعان شاكىرتتەرى ءجاسوسپىرىم، جاستار، ەرەسەكتەر اراسىنداعى موڭعولياا ەلىنىڭ بىرىنشلىگىنەن 26 التىن، 38 كۇمىس، 56 قولا مەدال ەنشىلەسە، حالىقارالىق جارىستاردان 11 التىن، 14 كۇمىس، 25 قولا مەدالعا قول جەتكىزىپ، جاستار اراسىنداعى ازيا چەمپيوناتىنان 1 قولا مەدال، ستۋدەنتتەر اراسىنداعى الەم چەمپيوناتىندا 1 قولا مەدال، پوليسياا ءورت سوندىرۋشىلەر اراسىنداعى الەمدىك سپورت ويىندارىنان 1التىن، 1 كۇمىس مەدالعا يە بولعان.

سونىمەن قاتار بايان-ولگەي بوكس قۇراما كومانداسى 2009 جىلى جاسوسپىرىمدەر اراسىنداعى موڭعول ەلىنىڭ چەمپيون سىنالتۋ باسەكەسىندە كوماندالىق ەسەپپەن 2ء-شى ورىن، 2010 جىلى 1ء-شى ورىن، جاستار اراسىنداعى موڭعول ەلىنىڭ چەمپيون سىنالتۋ باسەكەسىندە كوماندالىق ەسەپپەن 2011 جىلى 3ء-شى ورىن، 2012 جىلى 2ء-شى ورىن يەلەنىپ، موڭعول ەلىنىڭ "ۇزدىك باپكەر كۋبوگى"ء-نىڭ يەگەرى اتاندى.

قايناردىڭ باپتاپ تاربيەلەپ شىعارعان شاكىرتتەرىنىڭ سانى: موڭعول ەلىنىڭ حالىقارالىق دارەجەدەگى سپورت شەبەرى – 3، سپورت شەبەرى – 9، سپورت شەبەرىنە ۇمىتكەر – 13.

قاينار تەك بايان-ولگەي ايماعىنىڭ بوكس سپورتىنىڭ دامۋىنا ۇلەس قوسقاننىڭ سىرتىندا بوكس سپورتى جوعارعى دەڭگەيدە دامىعان قازاقستان ەلىنىڭ ماقتانىشى، وليمپيادا چەمپيونى، ەرماحان يبرايموۆتىڭ قولداۋىن الىپ، 2009 جىلدان باستاپ بايلانىس جاساپ، اعا باۋىر بولىپ، باي-ولكە جاس بوكسشىلارىنىڭ شەبەرلىگىن ارتتىرىپ تاجريبە الىپ جۇمىس جاساۋمەن قاتار، 2014 جىلدان باستاپ دامدينسۇرەن باتسۇرەن باپتايتىن موڭعولدىڭ ەرەسەكتەر اراسىنداعى ۇلتتىق قۇراما كومانداسىمەن مىرزاعالي ايتجانوۆ باپتايتىن قازاقستانىڭ ۇلتتىق قۇراما كومانداسى اراسىندا التىن كوپىر سالىپ ەكى ەلدىڭ ۇلتتىق قۇراما كومانداسى اراسىندا بىرىككەن وقۋ جاتتىعۋ جيىنى جانە قازاقستاندا بولاتىن حالىقارالىق جارىستارعا موڭعولدىڭ ۇلتتىق قۇراماسىنىڭ كوماندا باسشىسى بولىپ جۇمىستادى.

سيدنەي وليمپياداسىنىڭ چەمپيونى، بوكسشى ەرماحان ىبرايىموۆ پەن بوكسشى قانات يسلام

2018 جىلى موڭعول ەلىنىڭ دشساگەنتتىلىك، موڭعولدىڭ بوكس فەدەرەاسياسىنىڭ باشىلارىنىڭ تاپسىرماسىمەن موڭعولدىڭ ماڭداي الدى بوكسشىسى، ازيا ويىندارىنىڭ جەڭىمپازى، ازيا چەمپيونى، الەم چەمپيوناتىنىڭ جۇلدەگەرى ەردەنەبات سەندبااتار قاتارلى بىرنەشە سپورتشىلاردىڭ بىلىكتىلىك، شەبەرلىگىن ارتتىرۋ ماقساتىندا قازاقستان ەلىندە بولعان وقۋ جاتتىعۋ جيىنى، اتىراۋ، الماتى، استانا قالالارىنداعى حالقارالىق باسەكەگە باپتاپ قاتىستىرىپ موڭعول ەلىنىڭ بوكس سپورتىنىڭ دامۋىنا ەلەۋلى ۇلەس قوستى.

ازيا ويىندارىنىڭ جەڭىمپازى، ازيا چەمپيونى، الەم چەمپيوناتىنىڭ جۇلدەگەرى ەردەنەبات سەندبااتار

قاينار قايساناي ۇلىنىڭ باپتاعان شاكىرتتەرىنىڭ بىرنەشەۋىنە قىسقاشا توقتالا كەتسەك:

ەربولات تولەك ۇلى

ەربولات تولەك ۇلى – 1990 جىلى بايان-ولگەي ايماعىنىڭ دەلۇۇن سۋمىنىندا تۋعان. 91 جانە +91 كگ سالماقتا بوكستاسادى. جەكە باپكەرى – قاينار قايساناي ۇلى.

ەربولاتتىڭ جەتىستىكتەرى:

2009 جىلى مەملەكەتتىك جاستار اراسىنداعى جارىستىڭ قولا جۇلدەگەرى.
2010 جىلى مەملەكەتتىڭ ستۋدەنتەر اراسىنداعى جارىستا كۇمىس مەدال يەلەندى.
2011-2019 جىلدار ارالىعىندا اتىراۋ، پاۆلودار، اقتاۋ جانە شىمكەنت قالالارىندا وتكەن حالىقارالىق «ا» ساناتىنداعى جارىستاردا كۇمىس جانە قولا مەدالدار يەلەنگەن.
مونگول ەلىنىڭ 2012، 2016 جىلدارى وتكەن 13 جانە 14ء-شى سپارتاكياداسىنىڭ جەڭىمپازى.
2012 جىلعى سپارتاكداسىنىڭ «ۇزدىك بوكسشىسى» كۋبوگىنىڭ يەگەرى.
2013 ستۋدەنتتەر اراسىنداعى ەل بىرىنشلىگىنىڭ چەمپيونى.
2011-2019 جىلدارىندا بوكستان ەرەسەكتەر اراسىنداعى مونگول ەلىنىڭ بىرىنشلىگىنەن 6 التىن، 3 كۇمىس مەدال يەلەندى.
كورەيا مەملەكەتىنىڭ ينچون قالاسىندا وتكەن قارۋلى كۇشتەردىڭ اسكەريلەر اراسىنداعى سپورت ويىنىنا تابىستى قاتىسقان.
2012 جىلعى London-2012 وليمپياداسىنا جولداما الۋ جارىسىنا قاتىستى /قازاقستان. استانا/.
2016 جىلعى ريو-2016 وليمپياداسىنا جولداما الۋ جارىسىنا قاتىستى /جۇڭگو. Chiang Mai/.
2019 جىلى قازاقستان مەملەكەتىنىڭ نۇرسۇلتان قالاسىندا وتكەن قارۋلى كۇشتەردىڭ اسكەرىلەر اراسىنداعى جەكپە جەك حالىقارالىق جارىستا كۇمىس، قولا مەدال يەلەندى.
مونگول كۇرەسىنەن بايان-ولگەي ايماعىنىڭ ارىستانى.
بوكستان حالىقارالىق دارەجەدەگى سپورت شەبەرى.

بەكنۇر قالي ۇلى

بەكنۇر قالي ۇلى – 1994 جىلى بايان-ولگەي ايماعىندا تۋعان. 81 جانە 91 كگ سالماعىندا بوكستاسادى. جەكە باپكەرى – قاينار قايساناي ۇلى.

بەكنۇردىڭ جەتىستىكتەرى:

2010 جىلعى بوكستان مەملەكەتتىك چەمپيون سىنالتۋ جاس وسپىرىمدەر اراسىنداعى بىرىنشلىكتە قولا مەدال.
2011 جىلى بوكستان مەملەكەتتىك چەمپيون سىنالتۋ جاستار اراسىندا وتكەن بىرىنشلىكتە التىن مەدال.
2012 جىلعى مەملەكەتتىك چەمپيون سىنالتۋ جاستار اراسىندا وتكەن جارىستا التىن مەدال.
2012 جىلعى جاستار اراسىندا وتكەن الەم چەمپيوناتىنا قاتىسقان /ارميان، ەريەۆان/.
2013 جىلى حالاقارالىق جارىستا قولا مەدال.
2013 جىلى ستۋدەنتەر سپارياكياداسىنىڭ قولا مەدال يەگەرى.
2014 جىلعى ستۋدەنتەر اراسىندا وتكەن الەم چەمپيوناتىنا قاتىسقان.
2014 جىلى مەملەكەتتىك چەمپيون سىنالتۋ ەرەسەكتەر اراسىندا وتكەن جارىسىندا قولا مەدال.
2014 جىلى حالىقارالىق "Ulgii cup" جارىسىندا قولا مەدال.
2015 جىلى مەملەكەتتىك چەمپيون سىنالتۋ ەرەسەكتەر اراسىندا وتكەن جارىستا قولا مەدال.
2017 جىلى قازاقستان مەملەكەتىنىڭ پاۆلودار قالاسىندا وتكەن حالىقارالىق جارىستا كۇمىس مەدال.
2017 جىلى قازاقستان مەملەكەتىنىڭ الماتى قالاسىندا وتكەن حالىقارالىق جارىستا كۇمىس مەدال.
2018 جىلى مەملەكەتتىك چەمپيون سىنالتۋ ەرەسەكتەر اراسىندا وتكەن جارىستا كۇمىس مەدال.
2018 جىلى حالاقارالىق جارىستا كۇمىس مەدال.
2018 جىلى مونگوليا مەملەكەتىنىڭ پوليسەيلەر اراسىندا وتكەن جارىستا التىن مەدال.
2019 جىلى مونگوليا مەملەكەتىنىڭ پوليسەيلەر اراسىندا وتكەن جارىستا لاتىن مەدال.
2019 جىلى دۇنيە جۇزىلىك پوليسەيلەر جانە ءورت سوندرۋشلەر اراسىندا وتكەن الەمدىك سپورت ويىندارىنىڭ بوكستان التىن مەدال، كاراتەدان كۇمىس مەدال.
2019 جىلى قازاقستان مەملەكەتىنىڭ پاۆلودار قالاسىندا وتكەن حالىقارالىق جارىستا قولا مەدالعا قول جەتكىزگەن.
بوكس سپورتىنىڭ شەبەرى.

نۇرلان اسقار ۇلى

نۇرلان اسقار ۇلى – 1994 جىلى بايان-ولگەي ايماعىنىڭ ولگەي قالاسىندا تۋعان. 52 جانە 56 كگ سالماعىندا بوكستاسادى. جەكە باپكەرى – قاينار قايساناي ۇلى.

نۇرلاننىڭ جەتىستىكتەرى:

2010 جىلى جاسوسپىرىمدەر اراسىندا وتكەن ەل بىرىنشىلىگىندە التىن مەدال يەلەنگەن.
ەرەسەكتەر اراسىندا وتكەن ەل بىرىنشىلىگىندە 2011، 2012، 2013 جانە 2015 جىلدارى قولا، 2014 جىلى كۇمىس مەدال العان.
اتىراۋ قالاسىندا وتكەن يساتاي مەن ماحامبەت اتىنداعى ءتۋرنيردىڭ 2014 جىلعى جەڭىمپازى، 2015 جىلى كۇمىس جۇلدەگەرى بولعان.
2008 جىلى بوكسپەن ايلانىسىپ مونگول ەلىنىڭ ۇلتتىق قۇراما كومانداسىنا قابىلدانعان.
2009، 2010، 2011، 2012، 2013، 2014، 2015، 2017، 2018، 2019 جىلدارى جاستار، ەرەسەكتەر اراسىنداعى مەملەكەتتىك جارىستاردا التىن، كۇمىس، قولا مەدالدار العان.
2010 جىلى قازاقستان مەملەكەتى الماتى قالاسىندا وتكەن جاستار اراسىنداعى حالىقارالىق جارىستا قولا مەدال.
2011 جىلى قازاقستان مەملەكەتى تالدىقورعان قالاسىندا وتكەن جاستار اراسىنداعى حالىقارالىق جارىستا كۇمىس مەدال.
2014 جىلى قازاقستان مەملەكەتى اتىراۋ قالاسىندا وتكەن ەرەسەكتەر اراسىنداعى حالىقارالىق "ا" دارەجەلى جارىستا التىن مەدال.
2014 جىلى مونگوليا مەملەكەتى دورنود ايماعىندا وتكەن حالىقارالىق جارىستا كۇمىس مەدال.
2014 جىلى مونگوليا مەملەكەتى بايان-ولگەي ايماعىندا وتكەن "Ulgii cup-2014" حالىقارالىق جارىستا التىن مەدال.
2014 جىلى رەسەي مەملەكەتى ياكۋتسك قالاسىندا وتكەن ستۋدەنتتەر اراسىنداعى الەم چەمپيوناتىندا قولا مەدال يەلەنگەن.
2015 جىلى ۋنگار مەملەكەتى ديەۆرەسەنت قالاسىندا وتكەن حالىقارالىق "ا" دارەجەلى جارىستا قولا مەدال.
2015 جىلى گەرمانيا مەملەكەتى حاللە قالاسىندا وتكەن حالىقارالىق "ا" دارەجەلى جارىستا قولا مەدال.
2015 جىلى قازاقستان مەملەكەتى اتىراۋ قالاسىندا وتكەن ەرەسەكتەر اراسىنداعى حالىقارالىق "ا" دارەجەلى جارىستا كۇمىس مەدال.
2017 جىلى قازاقستان مەملەكەتى شىمكەنت قالاسىندا وتكەن ەرەسەكتەر اراسىنداعى حالىقارالىق "ا" دارەجەلى جارىستا قولا مەدال.
2016 جىلى مونگوليا مەملەكەتى ۋلاانبااتار قالاسىندا وتكەن “Chingis cup” حالىقارالىق "ا" دارەجەلى جارىستا التىن مەدال.
2016 جىلى رەسەي مەملەكەتى بارناۋل قالاسىندا وتكەن حالىقارالىق جارىستا التىن مەدال.
2018 جىلى قازاقستان مەملەكەتى اتىراۋ قالاسىندا وتكەن ەرەسەكتەر اراسىنداعى حالىقارالىق "ا" دارەجەلى جارىستا التىن مەدال.
2019 جىلى جۇڭگو مەملەكەتى شانحاي قالاسىندا وتكەن حالىقارالىق "ا" دارەجەلى “China Open” جارىستا قولا مەدال يەلەندى.
بوكستان حالىقارالىق دارەجەدەگى سپورت شەبەرى.

قاينار بايان-ولگەي ايماعىنىڭ سپورت سالاسىنىڭ دامۋىنا سۇبەلى ۇلەس قوسىپ، موڭعول ەلىنىڭ دەنساۋلىق ساقتاۋ جانە سپورت مينيسترلىگىنىڭ 2016 جىلعى ەل كولەمىندەگى 21 ايماق، ۋلاانبااتار قالاسىنىڭ 9 رايوننىڭ جۇمىسىن قورتىندىلاپ باعا بەرگەندە بايان-ولگەي ايماعىنىڭ دشسب-سى بارلىعى 31 مەملەكەتتىك ۇيىمنان 2ء-شى ورىن يەلەندى.

6alash ۇسىنادى