2021 جىلى 15 قازاندا «وتانداستار قورى» كوممەرسيالىق ەمەس اكسيونەرلىك قوعامى جانىنداعى قوعامدىق كوميسسيانىڭ كەزەكتى وتىرىسى ءوتتى.
ءىس-شاراعا ق ر پارلامەنتى سەناتىنىڭ دەپۋتاتى، كوميسسيا ءتوراعاسى مۇرات باقتيار ۇلى، قازاقستاننىڭ ەڭبەك سىڭىرگەن قايراتكەرى قارجاۋباي سارتقوجا،ق ر پارلامەنتى سەناتىنىڭ دەپۋتاتى، نۇرتورە ءجۇسىپ، ق ر ءماجىلىسىنىڭ دەپۋتاتى قازىبەك يسا، بەلگىلى قوعام قايراتكەرلەرى، مەملەكەتتىك ورگانداردىڭ وكىلدەرى جانە ت.ب. قاتىستى.
اتالعان ءىس-شارا كۇن تارتىبىندە «قانداستاردىڭ ۇبت تاپسىرۋ مەحانيزمىن وڭتايلاندىرۋ نەمەسە ۇبت-دان باسقا دا التەرناتيۆتى جولداردى ۇسىنۋ»، «قازاقستانداعى رەپاتريانتتاردىڭ قوس ازاماتتىعى ماسەلەسى تۋرالى»،«شەتەلدەگى قازاق مادەني ورتالىقتارىن قولداۋ ماسەلەلەرى: الەمدىك وزىق ۇلگى جانە قازاقستاندىق تاجىريبە»، «سولتۇستىك قازاقستان وبلىسىندا قانداستاردى ورنالاستىرۋدىڭ وزەكتى ماسەلەلەرى»، «ازاماتتىق العان قانداستاردىڭ شەت ەلدەگى ەڭبەك وتىلدەرىن ەسەپكە الۋ» (زەينەتاقى ماسەلەسى)، جانە ت.ب. ماسەلەلەر كوتەرىلدى.
قوعامدىق كوميسسيا وتىرىسىنىڭ قورىتىندىسى بويىنشا ءبىلىم جانە عىلىم مينيسترلىگىنەقانداستاردىڭ قازاقستانداعى وقۋ ورىندارىنا ءتۇسۋىن، سىرتقى ىستەر مينيسترلىگىنە قازاقستانداعى رەپاتريانتتاردىڭ قوس ازاماتتىق ماسەلەسىن شەشۋ جولدارىن قاراستىرۋ، شەتەلدەگى قازاق مادەني ورتالىقتارىن قولداۋدى كۇشەيتۋ جانە ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ ازاماتتىق العان قانداستاردىڭ شەت ەلدەگى ەڭبەك وتىلدەرىن ەسەپكە الۋ، اقپارات جانە قوعامدىق دامۋ مينيسترلىگىنەسولتۇستىك قازاقستان وبلىسىندا قانداستاردى ورنالاستىرۋدىڭ اۋقىمدى جۇمىستارىن جان-جاقتى جانە تولىق اقپاراتتاندىرۋ بويىنشا قولداۋدى كۇشەيتۋ جونىندە ۇسىنىستار بەرىلدى.
سونداي-اق، ەڭبەك جانە حالىقتى الەۋمەتتىك قورعاۋ مينيسترلىگىنە قانداستاردى بەيىمدەۋ جانە ىقپالداستىرۋ ورتالىقتارى بويىنشا تۇرىپ جاتقان قانداستاردىڭ تۇرۋ مەرزىمىن ۇزارتۋ، شەتتەن كەلگەن قانداستارىمىزدى تۇراقتى تىركەۋ،ازاماتتىق العان قانداستاردىڭ ازاماتتىق الماعان وتباسى مۇشەلەرىمەن بىرگە تۇرۋ ماسەلەلەرى بويىنشا ءتيىستى قۇقىقتىق اكتىلەرگە وزگەرىستەر مەن تولىقتىرۋلار ەنگىزۋ جونىندەگى ۇسىنىستار جولداندى.
قانداستاردى بەيىمدەۋ جانە ىقپالداستىرۋ ورتالىقتارىن بارلىق وڭىرلەردە اشۋ ماسەلەسىن وزەكتەندىرۋ - ق ر ۇكىمەتى جانىنداعى شەتەلدەگى وتانداستارمەن مادەني-گۋمانيتارلىق بايلانىستى دامىتۋ جونىندەگى ۆەدومستۆوارالىق كوميسسيا وتىرىسىنىڭ قاراۋىنا جىبەرىلەدى.
6alash ۇسىنادى
