ون سەگىز جاس سىرىم – جىر،
ون سەگىز جاس بۇرىمدىم...
ءبارى ءقازىر قاشىقتا،
قوي شۋلايدى قىرىلعىر،
جەرمە ءوزىمدى اشىقسا.
«اس بولادى» التى ايدا،
جانىمدى جەپ سەمىرىپ.
شار ساۋلىقتار قارتايعان،
عۇمىرىمدى كەمىرىپ.
التى اي جازىم التايدا،
شىلدەسىندە قار جاتقان.
التى اي قىسىم قۇبىدا،
سەكسەۋىلى زار قاققان.
تىقىرشىسا كەر بەستى،
جارقىلداپ كۇمىس پستانى.
قارا تاۋدان ەل كوشتى.
بارار جەرى قىستاۋى.
جوق... تۇلىكتەن تۇڭىلمەن،
(بابام ءومىر وتكىزگەن).
تاريحىمدى بۇگىنگە،
نار ارقالاپ جەتكىزگەن.
اق سارباستىڭ قانىندا،
ارعىماقتىڭ جالىندا،
قارا ناردىڭ قومىندا،
قارا تاۋدىڭ جونىندا،
كوك ءبورىنىڭ ىزىندە،
اق سەمسەردىڭ جۇزىندە،
جاتىر مەنىڭ تاريحىم مەن تاعدىرىم.
باقىتىم مەن بايلىعىم،
قۋانىش جانە قايعى مۇڭ...
اۆتورى: ادىلبەك جاكەي ۇلى
