ستۋدەنتتەر مەن اق جاعالىلاردىڭ كوبى كەشتە جاي جاتىپ، ەرتەسى سىيىر تۇسكە دەيىن ۇيىقتاۋدى ادەتكە اينالدىرعان. دەگەنمەن، مۇنداي ادەت دەنساۋلىققا زياندى. اسىرەسە، ايەلدەرگە زياندى. ۇلىبريتانيا ماماندارىنىڭ زەرتتەۋ ناتيجەسىنە قاراعاندا، تاڭەرتەڭ جاي تۇراتىن ايەلدەردىڭ ومىراۋ راگىنا شالدىعۋ قاتەرى ءبىرشاما جوعارى بولادى ەكەن.
بريستول ۋنيۆەرسيتەتىنىڭ زەرتتەۋ ۇجىمى 230 مىڭ ايەلدىڭ دەنساۋلىق جاعدايىنا تالداۋ جانە ساراپتاۋ جۇرگىزگەن. ساراپتاۋعا قاتىناسقانداردىڭ ىشىندە 120 مىڭ ايەل ومىراۋ راگىنا شالدىققان. زەرتتەۋشىلەر بارلىق قاتىسۋشىلاردىڭ ۇيىقتاۋ جانە تاڭەرتەڭ ورنىنان تۇرۋ ادەتى، ۇيىقتاۋ ۋاقىتى، ۇيقىسى قاشۋ سياقتى ماسەلەلەرگە تەكسەرۋ جۇرگىزگەن سوڭ، تۇندە جاي ۇيىقتايتىن ايەلدەرمەن سالىستىرعاندا، ەرتە ۇيىقتاپ، ەرتە تۇراتىن ايەلدەردىڭ ومىراۋ راگىنا شالدىعۋ قاتەرى 40 پايىز تومەن بولعان.
باس زەرتتەرۋشى رەبەككا ريچموند دوكتور مىنانى اتاپ كورسەتكەن: زەرتتەۋ قورىتىندىسى قانشا كوپ ۇيىقتاسا، سونشا جاقسى بولۋى ناعايبىل ەكەنىن دالەلدەدى. ءىس جۇزىندە، ايەلدەردىڭ ۇيىقتاۋ ۋاقىتى 8 ساعاتتان اسىپ كەتسە، ارتىق ۇيىقتاعان ءار ءبىر ساعاتتا ومىراۋ راگىنا شالدىعۋ قاتەرى 20 پايىز ارتىپ وتىرادى. ريچموند دوكتور كۇنى بويى قىزمەتپەن جانە ۇيرەنۋمەن قاربالاس جۇرەتىن ايەلدەرگە دەمالىس ۋاقىتىن وزگەرتىپ، ەرتە جاتىپ، ەرتە تۇرۋعا ادەتتەنۋدى، ومىراۋ راگىنا شالدىعۋدىڭ قاتەرىنەن بارىنشا ساقتانۋدى ەسكەرتەدى.
6alash ۇسىنادى
