ۇزاق وتىرىپ تەليەۆيزور كورۋ. بىرنەشە ساعات وتىرىپ تەليەۆيزور كورۋ جۇرەك اۋرۋىنىڭ قوزعالۋى مەن ميعا قان قۇيىلۋ حاۋپىن جوعارىلاتادى. اقش نيۋ-يو́رك ۋنيۆەرسيتەتى مەديسينا ورتالىعىنىڭ ماماندارى كۇنى بويى تەليەۆيزور الدىندا وتىرماي، تۇرەگەلىپ ارەكەت جاساۋ قاجەت ەكەنىن ايتادى.
تۇيىق مىنەزدەن ارىلۋ. قىسىم جانە ءتۇڭىلۋ سىندى كوڭىلكۇي وزگەرىسى جۇرەك اقاۋسىزدىعىنا ءتيىمسىز. رۋحاني قىسىمدى كوڭىل تۇكپىرىنە جاسىرىپ، قوعامنان وقشاۋلانعان ادامنىڭ جۇرەك اۋرۋىنا شالدىعۋ ءقاۋپى وتە جوعارى بولادى. وتباسىنداعىلارمەن، دوستارىمەن جاقسى قارىم-قاتىناستا بولاتىن جانە قوعامدىق بايلانىسى جاقسى ادامدار ۇزاق ءومىر سۇرەدى ەكەن. ماماندار كوڭىلكۇي جابىرقاڭقى كەزدە جاقىن دوسىڭدى تاۋىپ اقتارىلا سىر شەرتۋدى ۇسىنادى.
قورىلداۋعا نەمقۇرايدى قاراۋ. قورىلداۋ دا بەلگىلى ءبىر جاقتان دەنساۋلىقتىڭ اۋىر دارەجەدەگى كومەسكى قاتەرى بولۋ مۇمكىندىگى بار. ول قان قىسىمىنىڭ شۇعىل جوعارىلاۋىن كەلتىرىپ شىعارادى. دەنە سالماعى قالىپتان تىس جوعارى نەمەسە سەمىز ادامداردىڭ ۇيقىقتاپ جاتقان ساتتە تىنىسىنىڭ ۋاقىتشا توقتاۋ قاۋپىنە ۇشىراۋى جوعارى بولادى. ۇنەمى قورىلدايتىن، ويانعاندا شارشاپ تۇرعانداي سەزىنەتىن ادامدار، ەڭ جاقسىسى، ەمحاناعا بارىپ تەكسەرىلۋى كەرەك.
تەمەكى شەگۋ، اراق ءىشۋ. اراقتى مولشەردەن ارتىق ءىشۋدىڭ قان قىسىمىنىڭ، قان قويۋلىعىنىڭ جوعارى بولۋى جانە جۇرەك قالجىراۋى ءقاۋپىنىڭ جوعارىلاۋى اراسىندا بەلگىلى بايلانىس بولادى. ءسپيريتتىڭ قۇرامىنداعى نورمادان ارتىق جىلۋ دەنە سالماعىن جوعارىلاتادى دا، جۇرەك اقاۋسىزدىعىنا ءقاۋىپ توندىرەدى، تەمەكى تارتۋ جۇرەككە اۋىر زارداپ اكەلەدى.
بەتالدى ازىق-تۇلىكتەردى جەۋ. قانت جانە ماي قۇرامى جوعارى، ۆيتامين، مينەرال جانە بەلوك سىندى قورەكتىك زاتتاردىڭ مولشەرى وتە تومەن ازىقتىقتاردى كوپ جەسە، سەمىزدىككە جانە قانتتى نەسەپ اۋرۋىنا شالدىعۋ ءقاۋپى جوعارىلايدى.
6alash ۇسىنادى
