ادام اعزاسىنىڭ قىزمەتىن قالىپتا ۇستاپ وتىرۋ ءۇشىن كۇندەلىكتى راسيونعا جاڭعاقتىڭ ءتۇر-تۇرىن ەنگىزىپ وتىرعان ءجون، سەبەبى جاڭعاقتار — مي، جۇيكە جاسۋشالارى مەن سۇيەكتەردىڭ قىزمەتى ءۇشىن قاجەتتى باعالى قورەك.
تال جاڭعاعىنىڭ قۇرامىندا ا، س، رر، ۆ توبىنىڭ دارۋمەندەرى، بارلىق قاجەتتى امين قىشقىلدارى، فوسفور، كاليي، تەمىر، ماگنيي، مىرىش سياقتى مينەرالدى ەلەمەنتتەر بار. جاڭعاقتار كلەچاتكالارعا باي جانە اسقازاننىڭ پەريستالتيكاسىنا اسەر ەتەدى. ولاردى باۋىر اۋرۋلارىندا، اتەروسكلەروزدا جانە كەيبىر جۇرەك-قان-تامىر اۋرۋلارىندا قولدانعان دۇرىس. بۇدان باسقا، گاستريتتە قىشقىلدى قالپىنا كەلتىرەدى.
ميدى قۋاتتاندىرادى. جاڭعاقتىڭ قۇرامىنداعى بەلوكتاليزين مەن فوسفاتيد مي جاسۋشالارىن جانداندىرىپ، جۇيكە قۋاتىن جوعارلاتادى.
حولەستەريندى تومەندەتەدى. جاڭعاق ءدانىنىڭ قۇرامىندا 65% ماي بار. ول ادام دەنەسىندەگى قان اينالىسىن جاقسارتۋعا كومەكتەسەدى.
وتكە بايلانعان تاستى ەرىتەدى. جاڭعاق دۇرىس تاماقتانباۋدان وتكە بايلاناتىن تاستاردى ەرىتىپ، سىرتقا ىعىستىرادى. دارىگەرلەردىڭ ايتۋىنشا، وتىنە تاس بايلانعان ادامدار جاڭعاقتى ۇنەمى جەپ جۇرسە، وپەراسيا توسەگىنە جاتۋىنىڭ قاجەتى جوق ەكەن.
تەرىنى اجارلاندىرادى. جاڭعاقتىڭ قۇرامىنداعى مول كالسيي، فوسفور، تەمىر سياقتى ميكرو ەلەمەنتتەر ادام دەنەسىن ءتۇرلى فەرمەنتتەرمەن قامدايدى. مۇنىڭ ىشىندەگى ە ءۆيتامينى جاسۋشا بوساۋىنىڭ الدىن الادى. جاڭعاقتى لايىقتى مولشەردە جەسە، بەت تەرىسىن اجارلاندىرىپ، اعارتىپ، مايدالىلىعىن، جىلتىرلىعىن ارتتىرادى. بوسانۋعا جاقىنداعان جۇكتى ايەلدەر كوبىنەسە جاڭعاق ءدانىن جەۋ ارقىلى ءوز كەلبەتتەرىن ساقتايدى.
