«وي، دۇنيە-اي» ويلى تۋىندى...
«وي، دۇنيە-اي» ويلى تۋىندى. بۇلاي دەيتىنىمىز، ءقازىر ويسىز، ءنارسىز تۋىندى ارام شوپتەي قاپتاپ كەتتى. ويسىز تۋىندى، ويسىز تىڭدارمان تاربيەلەيدى. ويتكەنى، ونەردىڭ تالىمدىك قۋاتى ەرەسەن بولماق. ال، مىنا، تولعان ايداي، ءتۇرت اياعىن تەڭ سالعان جورعاداي جاڭا تۋىندى «وي، دۇنيە-اي» تىڭدارمانىن اسەم سازدىڭ يرىمىنە توعىتا وتىرىپ، ۋاقىت، ءومىر، ادامدىق، كىسلىك حاقىندا ويلانتادى.
پەرشتەدەي بوپ ءومىر ەسىگىن اشاتىن پەندە، شيمايعا تولى اق قاعازداي بولىپ ومىردەن وتەدى. «بەس كۇندىك جالعان» دەپ وزدەرى تۇيىندەگەن قىسقا عۇمىردىڭ كەزەڭىن كىم ادالدىقپەن اسىپ، كىم كىسلكپەن كەشە الدى دەيسىز؟ ! مىنە، «وي، دۇنيە-اي»-تازالىقتىڭ تۋىندىسى.
ءاننىڭ ولەڭىن جازعان اقىنىمىز، كەۋدەسىنەن جۋسان ءيىسى بۇرقىراعان، تابيعاتتىڭ اردا كۇرەڭى ادىلبەك جاكەي ۇلى. مۋزىكاسىن جازعان، «جان سىرىم»، «اجەم-اۋ»، «دالا سازى»، «قايران جاستىق» قاتارلى تانىمال اندەردى اۆتورى، سازگەر، تانىمال دىبىس اكتەرى بولات اققۋ ۇلى. ال، ورىنداعان، ءساۋىردىڭ مايدا لەبىندەي قوڭىرداۋىستى ءانىشى، قازاق ەلىندەگى ونەر جۇلدىزى سايات مەدەوۆ. ءان شىعا سالسىمەن قازاق راديوسنىڭ التىن قورىنا جازىلدى. ءتورت تۇرمانى ساي كەلگەن تاماشا انگە جول بولسىن!
قۋانىش ءىلياس
ءسوزى: ادىلبەك جاكەي ۇلى
ءانى: بولات اققۋ ۇلى
ورىنداعان: سايات مەدەۋ
(ءاننىڭ تولىق تەكىسى)
وي، دۇنيە-اي
التىننان تامىر السادا،
اعاشتىڭ ءتۇبى - تامىزدىق.
اتادان التاۋ تۋسا دا،
ادامنىڭ ءتۇبى - جالعىزدىق.
قوناقپەن ءتورى توزباعان.
قاراۋ باي سىندى دەيدى ءومىر،
جۇرتىنا قۇزعىن قونباعان،
جارلى ما دەيسىڭ كەيدە ءومىر.
ساۋشىلىق كۇنگە قۇلشىلىق،
امان دا، دەمە جامانمىن.
قۇندىزى قالماس قىرقىلىپ،
جاماندار العان جاعاڭنىڭ.
اقىلدان جاراق تاعىنساڭ،
قاستىقتىڭ قولى جەتپەيدى.
باتادان ساۋىت جامىلساڭ،
قارعىستىڭ وعى وتپەيدى.
كوكتەمدە وسكەن گۇلدەرمەن،
كۇز جايلى كەلمەس كەڭەسكىڭ.
مولادان الىس جۇرگەنمەن،
اجالدان الىس ەمەسسىڭ.
الماستان سوققان اق سەمسەر،
باتىردان قالسا تۇل بولار.
وتىرعان ورىنى تاقپەن تەڭ،
ب ا ق تايسا ەردە قۇل بولار.
بايلىقىسىز عۇمىر بولار ما؟
الالدان بولسىن جيعانىڭ.
تاڭدايدا ءدامى قالار ما؟
ەڭبەكسىز وسكەن ميۋانىڭ.
قاڭباعى ەدىڭ قاي ماڭنىڭ،
ءومىردى سوققان جەل دەيدى.
قارشىعا قانات قايران كۇن،
قايرىلىپ قايتا كەلمەيدى.
6الاش ۇسىنادى
