ورىنداعان: ساكەن قالىموۆ
تاتتىلىگى تاتي ما تامسانۋعا،
كەتتىم ەكەن ارمان بوپ قايسى ارۋدا؟
مەن قىزداردىڭ كوزىنە عاشىق بولدىم،
عاشىق بولىپ الدىمەن ءان سالۋعا، - دەپ جىرلاعان تاماشا تالانىتتى اقىن تىنىشباي راحىم ولەڭدەرىمەن دە، اندەرىمەن دە كۇللى قازاقتىڭ ماقتانىشىنا اينالعان تۇلعا.
قازاقتىڭ كورنەكتى اقىنى، سازگەرى تىنىشباي جاڭاباي ۇلى راحىم 1946 جىلى 12 قىركۇيەكتە وزبەكستاننىڭ تاشكەنت وبىلىسى، جوعارعى شىرشىق اۋدانىندا دۇنيەگە كەلگەن.
رەسپۋبليكالىق ءداستۇرلى ادەبي جابىق كونكۋرستارىنىڭ ەكى دۇركىن جۇلدەگەرى. ءى.جانسۇگىروۆ اتىنداعى سىيلىقتىڭ لاۋرەاتى بولعان اقىننىڭ جالپى وننان استام كىتاپتارى جارىق كورگەن.
اقىن ءوزى جۇرگىزگەن تانىمال تەليەۆيزيالىق "كەش جارىق" اۆتورلىق باعدارلاماسى ارقىلى دا ەلدىڭ كوزايىمى بولدى.
ت.راحىمنىڭ ەلگە كەڭ تارالعان "التايدىڭ ار جاعىنان كەلگەن ارۋ"، "ءمولدىرىم"، "بوز ورامال"، "كۇت مەنى"، "قىمباتتىم"، "التايدان سالەم"›› ت.ب اندەرى كوپشىلىكتىڭ ءسۇيىپ تىڭدايتىن اندەرىنە اينالدى.
وسىدان 25 جىل بۇرىن "التايدىڭ ار جاعىنان كەلگەن ارۋ" ءانى جىلدىڭ ۇزدىك ءانى اتالعان ەكەن.
ءامينا ەركەش قىزى
قانشا ورىندالسا دا تىڭدارمانداردى ءالى كۇنگە دەيىن جالىقتىرماي كەلە جاتقان بۇل ءان 1991 جىلى "كەش جارىق" باعدارلاماسىنا قاتىسۋعا كەلگەن، جۇڭگو حالىق رەسپۋبليكاسى شينجياڭ تەليەۆيزياسىنىڭ ديكتورى ءامينا ەركەشقىزىنا ارنالىپ، اعالىق، باۋىرمالدىق سەزىمنەن تۋعان ءان ەكەن. بۇل ءاننىڭ باعىن اشقان ءانشى ساكەن قالىموۆ بولدى.
ق.جولداسوۆ
6alash ۇسىندى
