استانا مارتەبەسىنە يە بولعانىنا دا 800 جىلدان اسقان ەجەلگى حانبالىق قالاسىن يۋان پاتشالىعى كەزىندە، ياعني قۇبىلاي حان داۋىرىندە ەلقدىر (也黑迭儿) دەگەن ادام جوبالاعان دەگەن دەرەك بار. بۇل جونىندە ارناۋلى زەرتتەۋ جۇرگىزگەن جۇڭگو قازاقتارىنان شىققان ارحيتەكتور بولات كارىباي ۇلى بەيجىڭنىڭ كونە قالا اۋماعى اكىمشىلىك جاقتان ءبىر قانشا حۋدۇڭعا (胡同) جانە شاتىرلىق مەكەمەگە (茶迭儿局) بولىنەتىنىن، حۋدۇڭ دەگەن ءسوز توعىز جولدىڭ تورابىنان قازىلعان قۇدىقتى (جۇڭگو دەرەكتەرىندە دە موڭعولدىڭ قۇدىق دەگەن سوزىنەن شىققان دەپ كورسەتكەن) مەڭزەيتىنىن، ال شادىر تىلىمىزدەگى شاتىر دەگەن ءسوز ەكەنىن العا تارتىپ، «مۇمكىن ەلقدىر قازاق شىعار» دەگەن بولجام جاسايدى. جۇڭگو تاريحي دەرەكتەرىندە دە بەيجىڭ قالاسىن جوبالاۋشىلاردىڭ ءبىرى رەتىندە ەلقدىردىڭ اتى اتالىپ، اراپ نەمەسە حۇيحۇيلىق (回回人) دەپ كورسەتىلەدى. بۇل اراداعى حۇيحۇيلىق دەگەن ءسوز يۋان پاتشالىعى داۋىرىندە ورتا ازيالىق مۇسىلمان دەگەندى بىلدىرەتىنىن ەسكەرسەك، جوعارىداعى دەرەك تە تەككە ايتىلماعان شىعار دەگەن ويعا كەلەسىڭ.
قالياكبار ۇسەمحان ۇلى
پاراقشاسىنان الىندى
6الاش ۇسىندى
