4 اقپان. بۇگىن - دۇنيەجۇزىلىك قاتەرلى ىسىكپەن كۇرەس كۇنى.
وكىنىشكە قاراي الەمدە ونكولوگيالىق ىندەتكە شالدىققانداردىڭ قاتارى ازايماي تۇر. جىل سايىن جەر بەتىندە 9 ميلليون ادام كوز جۇمادى. قازاقستاندا دا جاعداي ءماز ەمەس. ەلىمىزدە راك اۋرۋى ەڭ كوپ كەزدەسىپ وتىرعان ءتورت ءوڭىر بار. ءتىزىمدى شىعىس قازاقستان وبىلىسى باستاپ تۇر. پاۆلودار، سولتۇستىك قازاقستان جانە قاراعاندى وبىلىستارىندا دا قاتەرلى ىسىككە شالدىققانداردىڭ سانى كوپ.
جىلپى بىلتىرعى جىلدىڭ وزىندە ەلىمىزدە 36،345 ادام قاتەرلى ىسىككە شالدىققان. بۇل 2018 جىلمەن سالىتسىرعاندا 4117 ادامعا كوپ. بىلتىرى بۇل كەسەلدىڭ كەسەلىنەن 14،060 ادام كوز جۇمدى. ال، ەل بويىنشا ونكولوگيالىق ەسەپتە تۇرعانداردىڭ سانى 180 مىڭنان اسىپ جىعىلادى. ىسىك اۋرۋىنا شالدىقعاتىنداردىڭ كوپ بولىگى جاستار، ياعني ەڭبەككە جارامدى جاس شاماسىنداعى ادامدار.
ونكولوگيالىق اۋرۋلاردىڭ ىشىندە 1 ورىندا – ءسۇت بەزى قاتەرلى ىسىگى، 2 ورىندا – وكپە قاتەرلى ىسىگى، 3 ورىندا – اسقازان قاتەرلى ىسىگى، 4 ورىندا-جاتىر موينى جانە توق ىشەك قاتەرلى ىسىگى تۇر.
قاتەرلى ىسىك الەمدەگى ءولىمنىڭ ەكىنشى نەگىزگى سەبەبى. بۇكىل الەمدە التى ءولىمنىڭ بىرەۋى قاتەرلى ىسىكتەن بولادى.
ايتا كەتەيىك، 4-اقپاندى "ونكولوگيالىق اۋرۋلارعا قارسى كۇن" دەپ بەلگىلەۋگە مۇرىندىق بولعان "ونكولوگيالىق اۋرۋلارعا قارسى كۇرەس جونىندەگى حالىقارالىق وداق". باستاما دا، يدەيا دا سولاردىكى. UICC-ۇيىمىنىڭ باستى ماقساتى - ادامداردى ونكولوگيالىق اۋرۋلاردان ساقتاندىرۋ، اۋرۋدىڭ الدىن الىپ قانا قويماي، ونى دەر كەزىندە انىقتاپ، ەمدەۋگە جەربەتى دارىگەرلەرىنىڭ جاۋاپكەرشىلىكتەرىن ارتتىرۋ. سونىمەن قاتار، اۋىر دەرتكە شالدىققاندارعا پسيحولوگيالىق كومەك كورسەتىپ، وڭالتۋ جۇمىستارىنىڭ ساپاسىن جاقسارتۋعا اتسالىسۋ جانە وسى اۋرۋ تۇرىمەن كۇرەسۋگە ايرىقشا كوڭىل ءبولۋى ءۇشىن ءار مەملەكەتتى ۇگىت-ناسيحات شارالارىن كوپتەپ وتكىزۋگە ۇندەۋ.
6alash ۇسىنادى
